توي عرفت إني كثر ما أعرفك .... كنت أجهلك!

توي عرفت إني كثر ماعرفك....كنت أجهلك

لا صار قلبي لك وطن .. أبسألك وين الولاء..؟وشلون حال المملكه ؟ - دام الخيانه من ملك

قبل أبتدي عندي طلب ركِّز طلب ماهو " رجاء " ! ما أبي تجاوبني ..ولا تستغرب إني أسألك

لا تنصدم من عزلتي حالي مثل : كل الولاء

عندي سبب : ما تستحق إنِّي أجيك و أوصلك؟

لا تعتبر جمر الحكي من شاعرك يعني " هجاء "*

لو كنت بهجي حضرتك ما خفت منِّك ..قلت لك !

هذي القصيده مصنِّفه في دفتري قصة " رثاء "

حبٍ يموت وتنولد..وحبٍ يعيش ويقتلك !

ناديت لك ياما.. ولا لبِّيت لي , وضاع النداء!

مبحوح صوتي والصدى من كثر ما ناديت لك !

أقرب من ثيابي علي وأبعد من نجوم السماء

ورغم إبتعادك والتعب.. أرسم طموح وأمهلك..

ما كنت لي الداء وأنا ما كنت لـ جروحك " دواء "..

ما عشت في دنياي لي !! عايش ولكن عشت " لك " !

علمتك القلب الوفي.., ما يخذلك فيه " إنتماء " !

وعلمتني كيف العشم في من تحبه.. يخذلك !!

علمتك إن أصل الهوى يرجع لـ كلمة " إحتواء " !

وعلمتني إن الهوى, ما عاش يوم بـ داخلك !

علمتك إنِّي لك بحر [ مدَّه وجزره ]
لك وفاء !

وعلمتني كيف أنصدم وأغرق أنا في ..ساحلك !

ما تستحي ,, ودامك كذا ؟ - إفعل حبيبي ما تشاء !

توِّي عرفت إنِّي كثر ما أعْرِفِك.. كنت أجهلك !

ما كان قلبي بس لك وقلبك لعب دور الدهاء !

وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك.. عندي سواء !

كنت إهتمامي ورغبتي.., والحين دوري أهملك !

لا صار قلبي لك وطن.. أبسألك وين الولاء..؟

وشلون حال المملكه ؟ - دام الخيانه من ملك !

إن كنت جاهل..! " لعبتك قلبي " وما فيها ذكاء*

حتى الطفل إن جبت له [ لعبه ].. - ولاءه صار لك !

قبل أنتهي عندي - أمر ما هو طلب وإلا - رجاء..

لا يشغلك ماضي إنتهى ..ركِّز علـى " مستقبلك " !!



"

الله عليك !
شاعرية مختلفة جداً .. يُخاطب الحبيب على هيئة ملك و وطن
جميلة جداً و شدتني الكثير من الأبيات .. غير أنها بالمجمل رائعة
إنتقاء مطوّق بالجوري .. سلمتِ يا ترف "

الرائع بالفعل تواجدك المضيئ
شكرا لك من الأعماق ياعزووف النغم الشجي

كلمات جميله
يعطيك العافيه اختي

يعافيك يالغلا

راقية يا جووود في كل ما تجلبين
سلمت الذائقة ودام الحضور الراقي
دمتِ بكل الخير .