وش عاد مابيّن يازمان القرايب

وش عاد مابيّن يازمان القرايب
بصفحةٍ تُطوى على قِلّ الاصحاب
من بعد ماجرّت حروف المصايب
طرْق الطعون وخاصر القلب ماطاب
شيٍ له الله كلّ مابَه عجايب
تغفي وجفْنك بين مخلب وانياب
احذر قريبك لا يمدّ اللهايب
جرحٍ تعدّى لوعته جرحَ الاغراب
وياصاحبي ماظن مثلك بخايب
وصاحبْك مرْخِص لِك يدينْ ورْقاب
هذاك من طيبه تَلَقّى النوايب
اللي على ثقل الحمولة والاطناب
هزت كتوفه شامخاتٍ صلايب
ماهزها من قبْل عاذل وكذاب
واليوم شفني يومِ شفت الركايب
سدّ الشحوب بوجهها مشْرِق الباب
انسج من الافكار دربُ وشبايب
قافٍ نزعته من عروقي وينساب
حامل بكفّي من وصوفك وهايب
ودي اغيِّر في زمانك والاتعاب
ماهنْت عندي ياسليل الصعايب
وإنت الذي علمّتْني كَفّ الاسباب
راقي وشآنك في وسيع الرحايب
الارض ماعفّت بها جور الاهداب
وان كنت في رأْيِي محذِّر ورايب
هذي تجارب مالها درْس وكتاب
واضح عدوّك لا تزيد الحسايب

راقت لي

ذائقه جميله
سلمت يدينك

يعطيك العافيه ويشفيك وهذا ماتحتاجينه الوقت الحالي اكثر من لشكر
تحياتي السموك

انتقاء رائع..
استقوفني كم بيت ولكنها بالمجمل رائعه..
اشكرك واتمنى ان نراكِ قريباً هنا..

وما راق لك راق لنا
أبيات جولة ومعاني قوية
صح لسان الشاعر وسلمت يمينك نسيم
نقل جميل ومعاني قوية

لقد سرحت بنا في أجمل بيوت الشعر
ذائقه ادبيه فريده راق لي ماقرأت
دمتِ بسعاده
تحيتي ..

راق لي ما راق لك اختي نسيم .. ذائقة مميزة
يعطيك العافية اختي نسيم على النقل
كل الشكر

اختيار مميز

سلم نبضك وذائقتك نسيم
لاهنتِ

راقت لنا أيضا
سلمت يمناك لنقل الجميل
دمتِ بخير
.