نقاش2/رفع قضية عضل

+100م

،،

اهلا وسهلا سفيرتنا


الموضوع هذا جدا كبير ومتشعب

بعض الاباء. يرفض لسبب ما .. ممكن يكون الخاطب مو كفو واللي يعرفه
وللاسف الحين بعض البنات يتاثرون بمن حولهم يعني كلمه كلمتين قد تغيرت 180 درجه
بعضهم تخسر اهلها عشان امور تافهه
وتندم بعدين لكن خلاص ماعد معها ندم
تندم داخل نفسها ماعد تقدر تقول شي .
عشان ما يقولون هاه شفتي احنا على حق
تندم وتكابر بس عشان محد يقول انتي غلطانه
عرفتي …..

انا كما قريت اول
وبعض الاباء. يرفض بسبب راتب بنته
يعني ممكن بنته موظفه ويستغل راتبها.احنا ما ندري هل يستغل راتبها
والا الاخبار عليها ملح وبهارات زياده.
. فيه بعضهم كانوا كذا.
يعني مارح تتزوجين ويروح راتبك خليك عندي
وراتبك م ينقطع ؟؟؟
ما احس الموضوع يدخل العقل
يعني صارت مثل هذي الموضوعات
وانحلت بالتحاور والاسلوب
وما انحلت بعضل.
البنت تزوجت عادي وما تقصر مع اهلها
ولكن
حتى لو اعطت اهلها مالها فضل تري.
صح راتبها لها

بس تري ان اعطيت
ف مالي فضل على امي وابي …



هو في كل احوال
الدين تري يمنع انه الاب يمنع زواج بنته.
مالم يوضح الاسباب

الاب بكيفه شاف الرجال الثاني مو رجال للاسف …خلاص بكيفه
وان سوت له عضل

ف شرهتها بوجها هي
وتري سبحان الله الي غير حق
بيطلع مع مرور الايام.
يعني الاب قال مو كفو ومرت الايام والسنون
وجا الكفر بنظرها وطق عليها بثانيه
والا يعاملها برخص.
يدقها بالحكي. مافي لحضات زعل بين زوجين الا ويسوون مهاترات وعاد وقتها
كل واحد يطلع على حقيقته بلسانه.
يبدا يعايرها. باللي سوت وهكذا.
وماعد معها الا انها تقف وقفه عند حده
وتعترف بخطاها
والا تكابر عشان محد يقول غلطانه من اول
وتصير صابره على كل كلمه داخله وطالعه
تلاقينه داخل عليها بكلام وطالع من عندها
بكلام وهي ساكته. خلاص.

ليش من اول رضيتي بشخص ما تعرفين نواياه
شخص والدك كان رافضه لانه لديه اسباب
ممكن قلبه دليله.
ممكن نظرته لبعيد ابوك. ؟




يعني في الاول والنهايه

احس الموضوع كله بيكون شرهته بوجها
حتى لو كان عشان راتب فيه اسلوب
يعني حتى لو تزوجت مارح اقصر معكم وهكذا
وبالفعل تصدق يعني لان لابوها فضل عليها

وهي ان اعطت ابوها من راتبها ف مالها فضل
عليه.
مالها فضل اذا اعطيت امها وابوها.

بس الواحده تجلس مع اهلها
تتحاور مافي موضوع ما ينتهي بلطف
مالم يتم التحاور فيه مره مرتين ثلاث


وللاسف بعضهم يتاثرون بمن حولهم

تلاقين الواحده معها صديقه سيئه جدا
هي الي قاعده اقولها سوي كذا كذا

صديقتها ما تستفيد شي بس توجها

وهذيك تنفذ
ما فكرت بالعواقب


فكرت بس كيف اتخلص من ابوها
للاسف واقع ولكن كما قلت


شرهتها بوجها هي فالنهايه.
مهما كان السبب

بيكون هذا الشي نقطه سيئه في حياتها
يعني بيكون شي سلبي طوال عمرها مارح تنساها

ابتداء من يوم فكرت
الين سوت له كذا

والادهى اذا توفى ابوها يوما من الايام.

مستحيل تقدر تسامح نفسها.

حتى لو مضى الايام ومرت السنين



بتقول ياليتيني حليت الموضوع حق الراتب بود ولا سويت كذا
بتقول ياليتني ما تزوجت كلب كانت نظرة والدي له بعيده انه شخص مو كفو
وضح مع الايام انه بجد مو كفو



حتى لو كان الشخص الثاني بنظرتها كفو
وماشي معها تمام
تري حتى هو بيقول وقفت ضد ابوها واهلها
بتوقف ضدي في يوم من الايام
بتسوي كذا كذا. يعني مافيه ثقه بعيد عن المثاليه.
احيانا الشخص يجلس مع نفسه.
يفكر يفكر يفكر

وبالنهايه

اشوف ان حل هذا الامور
هو التحاور. وليس العضل

وخسارة الاهل.


الله يعطيك العافيه سفيرتنا.

موضوع كبير ومتشعب.


بس انا كتبت الموضوع من وجهة نظري

السفيره معجب بهذا