تعال ياللي خاطري منك زعلان

تعال ياللي، خاطـري منـك زعـلان!
ابيك ترضينـي، ولـو.. بابتسامـه..

صحيح اخذت بخاطري! وانت غلطان..
وش عيشة المخلوق! دون احترامـه!

صحيح احبك موت، واعشقك باجنان..
للحـب شـي! ولاحترامـي مقامـه!

ياليت كل انسـان، يهوالـه انسـان!
ما يجرحه حتى وهـو فـي منامـه..

ماهو يزيده همّ، وجـروح، وأحـزان؟
ويعيشـه بيـن العتـب، والملامـه..

ودي أجيك من الوله حيل! عطشـان!
وتروي خفوقي، يالغلا من غرامـه..

ودي أجيلك، وارتمي بين الاحضـان..
ويذوب قلبي، من دفـاك.. وهيامـه!

ودي احسك، من عنا الشوق ولهان..
ويضيع قلبي، مـن حـلاك بكلامـه..

ياللي خدودك، مالها وصف، وألوان..
ياللي تذوّب، فـي خطـاك الحمامـه..

ياللي لعينك، ينتحر صـف غـزلان..
ياللي لحلاك الليـل، يرمـي لثامـه..

ياللي جمالك، تنفتن فيـه.. نسـوان!
يا ذروة احساس الخفوق، ومرامـه..

صحيح احبك موت، واعشقك باجنان..
للحـب شـي! ولاحترامـي مقامـه!

الشاعر عبد المحسن الشراري

قصيده جميله جدا صح لسان الشاعر
وسلمت يمناك أخوي الفتى الذهبي على الاختيار الجميل
تقبل مروري وتحياتي

أخوك!أنا

اسعدني مروك العطر تسلم على تواجدك المستمر جعك ربي يسلمك

الفتي الذهبي
قصيده جميله يعطيك العافيه
تقبل مروري

الله يعافيك اخوي الولهان وشكرا لك على تواجدك ومرورك العطر

قصيده روووووووووووووعه
سلمت الايادي اخي الكريم ( الفتي الذهبي ) على الاختيار الرائع
لك تحياتي ,,,,,,,,,,,,,,,