الى كل ام ؛ دلعي نفسك!

د نبيلة متولي:

إلى كل أم..
متاكليش البواقى..
متشربيش مطرح كبايات الولاد اللى اتبهدلت..
سخنى الأكل قبل ما تاكليه..
زوقى الطبق لنفسك..
متشربيش ف بلاستيك..
كلى فى الطقم الصينى ..
كلى وانتى قاعده..
اقعدى ف مكان مريح وانتى بتاكلى..
متقوليش مبعرفش آكل لوحدى..
إستمتعى بالأكل..أمضغيه كويس وبدون عصبيه..
متاكليش أكل مش بتحبيه..
لو تعبانه ومش قادره تطبخى ممكن تعملى أى حاجه..
مش لازم كل يوم وليمه..
مالها التونه...
خصصى وقت لنفسك..
إقرأى..إتعلمى..إتفسحى..إتفرجى على فيلم ..مارسى رياضه..
متقوليش اهى عيشة والسلام..
اوعاكى تقولى انا الأم ولازم اضغط على نفسى..
متأجليش حاجه بتحبى تعمليها..
نظمى وقتك...
إعزمى نفسك على آيس كريم بره..
أخرجى مع صحباتك كل فتره..
متقوميش تمسحى فى الوقت اللى ولادك بيناموا فيه..
حاولى تخلصى شغلك وهمه صاحيين...
إستمتعى بكل لحظة وهمه نايمين عشان تقدرى تستمتعى بيهم وهمه صاحيين..
الأمومة مش مهمة إداريه ..الأمومة مسؤلية نفسية.. حب ..عطاء..فرحة.. تعليم..ضحك..إستمتاع..وكل ده محتاج انك تهتمى بنفسك قبل أى شئ عشان تقدرى تواصلى..خلى بالك لو البنزين خلص العربيه هتقف بكل اللى فيها..متستنيش لما يحصل كده..
دلعى نفسك متستنيش ان حد يدلعك ..
أنت جميله..
أنت متميزة..
أنت مهمة..وأنت الحياة

رهييييبة

كلام جميل وراقي
بس فيه حرف الشين بكثرة

ماقصرتيش يالحرة على هيك طرح ههههه
الصراحة ضحكت مع إنها نصائح ذهبية لمصلحة الأم
الاعتدال مطلوب في كل شي يعني الام لاتهمل نفسها وتنساها وتسخرها كلها للبيت
فإن لنفسها عليها حق..
شكري وتقديري غاليتي

المشاركة الأصلية كتبت بواسطة ابو فواز

كلام جميل وراقي
بس فيه حرف الشين بكثرة

والآجمل هو مرورك ابوفواز
ولآن الكاتبة مصرية صار حرف الشين راهي ههههه

المشاركة الأصلية كتبت بواسطة جووود

ماقصرتيش يالحرة على هيك طرح ههههه
الصراحة ضحكت مع إنها نصائح ذهبية لمصلحة الأم
الاعتدال مطلوب في كل شي يعني الام لاتهمل نفسها وتنساها وتسخرها كلها للبيت
فإن لنفسها عليها حق..
شكري وتقديري غاليتي

ياهلا بيك سيدة الحضور جوود
كل الشكر ي حبيبة