طبخاتكم في اليوم

طابت اوقاتكم بكل خيـــــر


تعرفوا اصعب شيء بالحياه
انكم تفكروا شو تطبخوا لليوم

هذي اكبـــر مشكله تواجهني بحياتي
مستحيل اقدر اطبخ شيء من رأســي

لازم احد يقولي طبخي هذي الاكله
او مشتهين على العشاء كبسه

تجينا احيان و مرات انه نحتــار شو نطبخ
كيــف نشبع البطون الجائعه الي في البيت


فـ خطرت على بالي فكرة


كل يوم نسجل قائمة الوجبات الي طبخناها
و نعطي اقتراحات للعشاء او الغداء او الفطور
منها نقطع الحيرة ومنها نجدد منيو الطبخ في المخ

ويسعد اوقاتك بالمسرات ميساء
ياسلام عالافكار الغذائية من بيت الطيبات

روعة روعه ياميساء
من جد احيان كثيرة نحتار وش نقدم على الوجبات
وان شاء الله هالموضوع ينفعنا ..

شوفي ميساء
دايما الغدا عندي سهل ومااحتار فيه
لانو في معظم الاحيان يكون كبسة
ي جملي ي غنمي ي بالدجاج
وهذي وجبتنا المفضلة عالغدا مع السلطة طبعا

الي يشغل بالي العشاء ماادري وش اسوي فيه
ان طلعنا نواشف قال نواشف صبح وليل بطوننا نشفت
وان طلبنا من برا قال آه ي بطني اكل السوق وسخ

ف اضطر اعمل صينية بالدجاج والخضار
او فطاير لحم وخضار وتكون في الفرن / الحمد والشكر لله
ي شوربة مع خبز محمص ي ي ي …….الخ
خلينا نستعرض يوم بيوم افضل …

غدانا اليوم بخاري بالدجاج المحمر وسلطة خضراء

وتسلمي الف ميساء

تقييم وختم .. واضافة بما انه حصري ..

الطرح روعه بطل ياليت نشوف
انواع من الطبخات
حتا لو اشياء بسيطه


مقرمشات البف بستري لذيذه مره
مع الشاي سويتها قبل فتره
نفس اللي بالطرح حق اصابع المقرمشه
المالحه
لكن بالبف بستري

سويت اليوم جريش باللحم
وطلع يمييييي

عساكم ع القوه طرح بطل ميساء

طرح جميل من بنت عمان
ميساء الحياه
اتمنى لها التوفيق والكل من يشارك معاها بها الموضوع
والله انا اعرف اسوي القهوه والشاهي هههه اما الطهي والتفنن با الاكلات في البيت حريم اومن المطعم
رغم اني اجوع بعض الاحيان ههههه على ماقال الشاعر علي القحطاني ياالله دخليك من مشاكل ها الحريم
تحياتي
السعيدي

هـلا فيكم كلكم يالغوالي
نورتوا مليووووون

اه يا اخواني

امس استلمت الطبخ غصباً عني
اشتهيت اطبخ و في نفس الوقت مافي احد يطبخ

فـ على الغداء طبخت برياني دجاج هندي
كان لذيــــــــــــــــــــــــــــذذ مرة

العصر صراحة ماكان في شيء اخليه على الطاوله غير الرطب و القهوة
و رتبت لهم تسالــي و تصبيرة جبن

العشاء

استعملت الدجاج الي بقى من البرياني لحشوة المعكرونه بالباشميل
طبخت الدجاج مع ملفوف و جزر و ضفت له صوص الطماط للمعكرونه
و اضفته للمعكرونه
كانت تعور القلب من لذاذتها

و سويت بعد صينيه دينمايت شيبس
طبعاً هذي الاكله كل البيت يحبها وتخلص في ثانيتين


وكذا قفلت المطبخ هههه

ماشاءالله تبارك ميساء ذا كله طبختيه
وتقولين مالك بالمطبخ ههههع
…
تسلم يدينك فنانهï؟½ï؟½


طبخت اشياء كثيره
اهمها الكبسه


العشا
بطاطس بالقلايه الهوائيه
ودجاج ع الصاج وعصير خربز وموز
وشوية حليب معه

والحين اكيف ع الشاي ورايا
سهره مع الصغار هههع

هههههه ويش نسوي يا ام فيصل .. مصير الحسناوات في المطبخ

.
.

امسس

طبعا الفطور ( الريوق ) على المزاج يتريقون

الغداء كان رز مع زبادي لانعدام الافكار

العشاء كان لحم مقلي نحن نسميه
طبخت اللحم مع بهاراته والهيل و ثــــــوم في قدر الضغط لمدة ساعه او اقل مدري
و خبزت خبز


و قفلنــــا المطبخ

يالسفيره
جربي النواشف وبلاش الطبخ هههههه مع خبزه تميس مقمر ووووو
يالالايالالا

انا صرت افطر واتغدا واتعشى عالنواشف
( جبن ، زيتون ، لبنة ، قشطه ، بيض ) مع التوست البر ،.

والي يبي الاكل الدسم والزفر يطلب من برا ..

لم يعد بي حيل للوقفة في المطبخ 🙄

وعلى كيذا اقفله يوميآ ✋🏻🫤

اشتهيت برياني البيت منك ميساء
بحاول بكره استعيد نشاطي واعمله باذن الله ..

هههع
ي جماعه
والله انا لازم ادخل المطبخ كل يوم
يومي مايكتمل جماله الا فيه ههههع
مدري احس عندي هوايه للدخول المطبخ🥳
حتا لو الاكل جاهز من برا اعمل اشياء بسيطه
او حلا او عصيرات او سلطات
عمر الشقي باقي يقولون هههه

صح نواشف بس مو طول اليوم 😕
لازم آكل وجبه وجبه باليوم
يعني وجبه هههه
باقي اليوم عادي لبنه تميس
شاي وقهوه

طبخت اليوم برياني دجاج
والعشا اكلوا برا
وسويت لسهره قهوه وبسبوسة الهبه🤩
تشيز بسبوسه رووعه طلعت 👌

صباحو يا عسسسولين

امس ما طبخت ابداً خليت العامله تطبخ

الغدا .. كان سمك ويا ويلي من عشق السمك
بس ما تغديت مو مصاحبه الرز كثير

العشاء .. كان برجـــر في الشوايه و سلطة بسيطة


و قفلنا المطبخ

حبيــــــت فكرة البسبوسه سوسو من زمان خاطري اسويها
في العادة انا يا اعمل تشيز كيك يا كريم كراميل هههه احب الاشياء الباردة