ابيك تكبر والمصيبة تكبرت .

البارحه مابين وشلون يمديك
في يوم واحد يا حبيبي تغيرت
الليل خلاني وخلا طواريك
تلعب براسي كل ما بداخلي ثرت
سويت شي حدني غصب ما جيك
والا قبل لا سير الليل سيرت
هدمت كل اللي بنيته بتجافيك
هدمت لاخربتها قول دمرت
الله كريم يصبر اشواق مغليك
لا قام ينثرني غلاك وتناثرت
والله يسامح قلبي اللي مواليك
اخذت كل اللي تبي منه وانكرت
منهار جيت العام تسبق خطاويك
واليوم ماكنك قبل جيت وانهرت
في ذمتك لا من تذكرت ماضيك
من يطري في بالك اليا من تذكرت؟
خليتني وما قلت لي شلون اخليك
ليتك بحالي قبل ما رحت ناظرت
من كثر مافكرت وشلون ارضيك
معاك في نفسي ولا يوم فكرت
على كثر ما كنت متمسكن فيك
وعلى كثر ماحتجتني ما تعذرت
جيتك وعندي حاجتن بين اياديك
والمشكله تقدر عليها وقصرت !
رح بشر اللي ملتفتلك يناديك
قله تركته لخاطرك ما تأخرت
صدقني انها غلطتي يوم اداريك
والا انت لو لا غلطتي كان ما صرت
كبرتك بعين البعيد وحواليك
ابيك تكبر والمصيبه تكبرت
حاولت اغير فيك من كثر ماغليك
قدرت لكنك عليه تغير ت

جميله القصيده يا ندى ..
سلمت الذائقه.
شكراً لكِ.

قصيدة في قمة الذوق
شكراً ندى
ننتظر جديدك

يسلم ذوقك الراقي اختي ندى
ابيات جميلة واختيار رائع
بكل حرف هنا شكر لذوقك

اخواني الافاضل
الحريصي
راعي الفزعة
ابوفواز
شكرا على مروركم الغالي
تقديري واحترامي

قصيدة رائعة
شكرا لك وسلمت يدااك
لآخلا ولاعدم

الاروع حضورك ومرورك
شكرا لك ي فاضلة