- "تحليقات في فضاءات همس القصيد" | ملتقى القصائد | | ونبض | | الشعر| | الشعراء | |
|
أدوات الموضوع | انواع عرض الموضوع |
#1
|
||||||||
|
||||||||
عتاااااااااااااااب
وقت العتب راح لاترجع تعاتبني مات الوفا والبقا في راس وجداني.. ماني مثل ما انت خابرني وتحسبني فلان الاول اصبح واحدا ثاني.. خلاص مات الهوى لاتهدم وتبني تركتني لين جا النسيان ناداني.. العام ادوّر سبب منك يقربني واليوم ادور سبب عشان تنساني.. بعثرتني في هواك اليوم رتبني نسيتني الناس شفني صرت وحداني.. كان السهر في هواك اللي محببني والحين حتى السهر يكبر على اجفاني.. اجيك يمحيني عتابي ويكتبني مافيه طاري عتب يمر ماجاني.. وارجع وانا اقول: وش للجرح جايبني ادري بجرحك ولا ادري ويش وداني!! عن صدق الاحلام جا الواقع وكذبني وعن فرح الايام جا حبك وبكاني.. مليت اشيل الامل والدمع يغلبني واقول بكره يجي للشوق يلقاني.. ويروح بكره واجي والوقت قالبني وارجع على وحدتي واحزاني .. احزاني بكيتك العمر كله يامعذبني وشفيك ماتبكي الليله على شاني.. كتبت ماهو عشان تقول عاجبني مليت من جزله وصح الله لساني.. انا وطن شعر لو شعري مغربني كتبت اجمل جروحي لجل تقراني.. خلاص لاتتعب وترجع تعاتبني انا نسيتك دخيل جروحك انساني.. ليه الحقيقه تعتبر كذب ونفاق وليه الصراحه بالمحــبه جريــمــه وليه الوفا معدوم من كل الاعماق وليه انتصاري في غرامك هزيمه وليه الجفا يامحرقن قلبي احراق وليه المشاعر مالها اي قيــــمــــه
|
02-22-2010 | #5 |
|
رد: عتاااااااااااااااب
الله من جرح صمتك كيف معجبني ::::: لكن ترالك على المسكين غلطاني
قسوة عتاب الحبايب حيل يتعبني ::::: واكبر دليلن عليها النوم ما جاني عذب المشاعر مع العشاق عذبني ::::: عاش الوطن بك وعاش الشعر عنواني إن جيت تفرح ترى بالحيل يسعدني ::::: وإن جيت تحزن عطيتك عطف وجداني وإللي نساك وقال لاتحاول تذكرني ::::: دور وتلـــقى مكــانه واحــــدن ثاني |
|
02-22-2010 | #6 |
|
رد: عتاااااااااااااااب
صح لسانك قصيدة رائعة
بارك الله فيك اخي المبدع جريح الصمت تقبل ودي قبل ردي |
إغسل قلبكـ قبل جسدكـ , ولسآنك قبل يديكـ ,,
وأحسن الظن فيــ النآس ... |
مواقع النشر (المفضلة) |
الكلمات الدلالية (Tags) |
عتاااااااااااااااب |
|
|