تعال اسكن مساااحات الخفوق .

تعال اسكـن مساحـات الخفـوق .. وودع الترحـال
تعال اشعل كـلام الحـب .. واخمـد ثـورة سكاتـي


تعال وقل ( كيف الحال ) ناظر .. هو بقى بي حال
تعال وقبل ( سمعنـي جديـدك ) .. وأسمـع آهاتـي


تعـال وشيـل مـن بالـي اهجـوس ٍ كنهـن جبـال
تعبـت اخضـع لهـذا الانهـزام .. وانكـس راياتـي


تعال وشوف ( نهّام الحنايـا ) واسمـع ( اليامـال )!
حزيـن ٍ مثـل ... دمعـات اليتامـي .. لانكساراتـي


لك الله .. مابقى جـرح ٍ بروحـي مانـزف أو سـال
لك الله .. مابقـى هـم ٍ اعرفـه ... ماملـى اوقاتـي


أجي لك ممتطي صهوة احروفـي .. شاعـر ٍ خيّـال
أبوصل للعيـون اللـي .. مساهـا .. لملـم شتاتـي


على جال التعب .. أرمي جراحي .. واحسـب الآمـال
ولا لـي لا لبـس ... هـ الليـل ثوبـه .. غيـر وناتـي


وش أقسى من الذبول اللي تشوفـه .. لابكى رجّال
وش آخر هالأفـول اللـي أشـوف .. بكـل نجماتـي


دخيلك هاتي لي ( قلب ) ومعه ( صبر ) ومعاهم بال !
دخيلك حس بجروحي .. ( أمـا تُبكيـك أنّاتـي ) !!!


دخيلك اطعن غيابـك .. تعبـت احايلـك .. واحتـال
دخيلـك .. ملنـي هـذا الطريـق ... ومـل جياتـي


عشقتك مثل مايعشق شعـوري .. ضحكـة الأطفـال
عشقتك مثل مايعشـق طموحـي ... لمـس غاياتـي


عشقتك مثل ماتعشـق جروحـي .. صرخـة المـوال
عشقتك مثـل ماتعشـق عيونـي .. حبـس دمعاتـي


عشقتك مثل مايعشـق غـرورك .. رغبـة الإهمـال
عشقتك مثـل مايعشـق خفوقـي .. سجنـك بذاتـي



أنا بصبـر .. مـدام لكـل عقـده .. فالزمـن حـلال
واذا اني مـت ياآخـر طموحـي .. عيـش فابياتـي

الحريصي

كلمات راقيه من قلم راقي
سلمت اناملك الرائعه على هذا النثر الرائع
ابدعت واكثر دمت ودام نبض قلمك
لك تقديري.

الشكر لمروركِ الجميل يا ميره ..
دمتِ ودام هذا العطر في صفحاتي .

دخيلك هاتي لي ( قلب ) ومعه ( صبر ) ومعاهم بال !
دخيلك حس بجروحي .. ( أمـا تُبكيـك أنّاتـي ) !!!


أبيآت رآقيه وذآت إحسآس رآئع
أشكرك أخي الفاضل ع مشآركتنآ إياها
لك تحياتي

ولك تحياتي يا امير ..
على الحضور الراقي لا خلا ولا عدم
يا أنيق الطله ..
كل الشكر لك ودمت بخير

ابيات راقيه
سلم فكرك ومنطوق لسانك اخي
دمت
....

ابيااات في منتهى الرقي والجمال
سلمت وسلم لسانك

تحية عطرة

ابيات جدا رائعه
يسلموو ويعطيك العافيه الحريصي
مميز بانتقائاتك دائما