غرام أحباب

قصيدة غرام أحباب للشاعر الكويتي( حامد زيد )

تقوول
....
....
على ذاك الطريق اللي يسمونه غرام أحباب

وطت رجلي على دربه,ولا أدري وش نوى فيني

تبعته لاخر دروبه , ألين أن القمر قد غاب

تعب قلبي، ولا تعبت مسافات

تودينِي لقيت الليلة الجردا: هدب وظل وسما وأعشاب

بعد ذاك الظلام اللي يتوهني

عناويني صدفتِك معجبه فيني

ويا ليت.. الغرام: إعجاب

وتراك أنت الهنوف اللي هقيتك تستحقيني

عطيتك عشق من قلبي.. وسلمت لغلاك رقاب

وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟

ترى كل العيون اللي لقتني ما تكفيني

رماني حظي العاثر عليك وجيت لك طلاب

ولا أنت اللي عشَقتيني ولا أنتِ اللي عتقتيني

تَعالي واعتقي ذاك الخفوق المولع المرتاب مهب لاجلي

عشان الله يجازيك ويجازيني

تعدي في سما عشقي ولو عشقي خراب أصحاب

وصوني بالهوى نفسك قبل لا أنت تصونيني

وشيليني على متنك: خفوق بار منصاب

ومن فوق الغرام العذب.. شيليني وحطيني

ولامنك هقيتيني شجاع وما يطيق يهاب

أنا لك بالهوى والله مثل ما أنت هقيتيني

أنا ما أمشي ورا غيرك ولو أنه يطق الباب

وترى عيب علي أطعن.. ولو كثرت سكاكيني

زهود ما يطيق الدم لا داين ولا طلاب شجاع

وعارف نفسي وأظن أنك تعرفيني

غيور ما عرفت أضحك مع الغدر ببرود أعصاب

أبيع عيوني الثنتين قبل أنك تخونيني

إذا شد الغرام.. أترك خفوقي بين ناب وناب

لفرقه تكسر ضلوعي.. ولا عِشق يوطيني أنا رجل ولي غيره

وإذا شفت الهوى كذاب تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب

أجي لك وأسالك نفس السؤال اللي سألتيني

عن العشق القديم أبواب..

تقفيها كِثير أبواب بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وابي قلب علي قلبي، وابي دين على ديني

وابي نظرة عطا توفي ولا تخلف بدون أسباب وابي منك قبل لا أنت تصديني.

. توديني وابي دربٍ على العذال صعب ومتعب وغلاب

وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشى ما تنزل الدّمعه لغيرك لو تركتيني

أنا أول من عرف قدرك وأنا توي صغير وشاب

وابي منك ما دام أنك عرفتيني تحبيني

ما دام أني لقيتك في طريق اسمه غرام أحباب

دخيل الله، وبعد الله دخيلك.. لا تخليني

ماشاالله تبارك الله

اختيار اكثر من رائع اختيار دليل ثقافتك وفقك الله وزادك من الخير
ام هتان

من الشخصيات الثقافيه الشخصيات المميزه في كل زمان وفي كل مكان بالتوفيق

تحياتي وتقديري الشخصك الكريم

ابيات جزلة

تسلم ذائقتك ام هتان

تقديري وكل الشكر ..

المشاركة الأصلية كتبت بواسطة السعيدي

ماشاالله تبارك الله

اختيار اكثر من رائع اختيار دليل ثقافتك وفقك الله وزادك من الخير
ام هتان

من الشخصيات الثقافيه الشخصيات المميزه في كل زمان وفي كل مكان بالتوفيق

تحياتي وتقديري الشخصك الكريم

رفع الله من قدرك
نتمنى نكون كذالك اخوي السعيدي
والروعة متابعتك الكريمة

المشاركة الأصلية كتبت بواسطة ندى الجنوب

ابيات جزلة

تسلم ذائقتك ام هتان

تقديري وكل الشكر ..

الله يسلمك ندى منوره الصفحة لاعدم

الله الله يا ام هتان
قصيده رهيله من شاعر رهيب اعجبني فيها السرد والحبكه الشعريه والسهوله ف المفردات والتوصيف
رووووعه ام هتان ومعها لايك وتقييم

ابيات جميله
سلمت يدينك

الله ع القصيده روووعه بكل روعه
فاقت كل القصايد بجزالتها وصدقها.
صح لسان قايلها وسلم بنان ناقلها
بارك الله فيك ام هتان
لاعدم
.ً