من روائع الشاعر علي القحطاني

علي محمد القحطاني.. الشاعر الكبير فهو قامة شعرية كبيرة ارتبطت بالفن الشعبي الأصيل خلال فترة السبعينيات والثمانينيات الميلادية وحلق اسمه وشعره في فضاء الإبداع ليبقى في الذاكرة الشعبية

وايليكم مقتطفات من بعض روائعه



مره نقول الشعر من قلب مرتاح = ومره نقول الشعر من ضيقة البال
طير ياطير وطير مكسور الأجناح = والوقت مايبقى نظامه على حال
من عاش في دنيا المباهج والأفراح = حاشه نصيبه من كدرها الأهوال
والرزق له من والي الكون مفتاح = والآدمي يمشي على نور الآمال
لو فاتتك بعض المكاسب والأرباح =وانته بصحة صحتك قمة المال
اقبل من المقسوم ما جا وماراح =واشكر عظيم الشأن ياطيب الفال
جعل من الأيمان للروح مصباح = لو كان همك مثل ليل الدجى زال
اسمع كبير السن لاجاك نصاح = اللي حنت ظهره ثقيلات الأحمال
الليل مهما طال لابد يـــنــزاح=والصبر فيه النصر حتى ولو طال


*************


طلبت فلوس هذا الشك*****طلبت البيت هذا الصك
أنا والمال كلة لك ***********هدية ياخفيف الدم
ولاتنظر لمعروفي***********ولكن قدر ظروفي
وأغظ النار في جوفي********دخيل الخد والمبسم


*****************


ألاسبحان من صور- -----جمال فوق ماأتصور
هنوفأ ياحمد تسحر- صادفناها بعرض السوق
جدايل طول قامتها-------- من الابريز ساعتها
يوم العين شافتها- دفعني في هواها الشوق
قلت اسألك يامزيون--- بمن امره بكاف ونون
لفت وقال يامجنون- ---تحشم خل عندك ذوق
قلت انهارت اعصابي-- وعفت العمر من مابي
وهذا القلب منصابي- ذبحت الناس يامخلوق
وأنا من طبعي اتصبر----- وعني روح واتخبر
لكن ربنا قدر--------- وخليت الحشا محروق
وناظر من عينه- ---------وقال الصدق يازينه
ترى لو ميت ذلحينه----فلا يطلب علينا حقوق


****************


امر شارعكم واسلم على البيت ==========واقول هذا بيت زين الوصوفي

جيته ورى المغرب وماشفت انا الليت========واستغربو جيران بيته وقوفي

حاولت اقوي من عزومي وصديت=========وادموع عيني ماليات الكفوفي

عليك مني كل ماأصبحت وأمسيت=========سلام لو قطع معاليق ي

ياسيد روحي ياترى وين حليت==========وين أبعدوبك يازعيم الخشوفي

ياليت ماشفتك ولا كان حبيت==========حيثك غريب الدار واهلك ضيوفي



***************


جاني بعد غيبه مضت حي هالشوف= بانت علامات الفرح في حجاجه
جاني برغبه صادقه غير مكلوف= وارتحت يوم اقبل بدافع مزاجه
ساعة نوى الجيه نسى خاطر الخوف= ماشي بثوب العز وسط العجاجه
معروف والمعروف يجزى بمعروف= فتحت دنيا لك سهلها فجاجه
اظهرت له ماكنته خزنة الجوف = لين ابتدى فوق الجبين ابتهاجه



***********


يا رسالة عزيزة ودي أقراها
..............بس يا للأسف خانتني أعصابي
صار لي مدة وأنا أتحراها
...................من وليف عليه القلب منصابي
إن قريته عيوني نثرت ماها
...............قالت الخط مرسول من أحبابي
خلها تمشي الدنيا بمجراها
..........لا يجي جرح ينقض جرح ما طابي
يا رسالة بدم القلب نشراها
...............يوم جتني وأنا خايف ومرتابي





ولكم تحياتي

شكرا لك اخي الكريم
قصائد جميلة لشاعر كبير ومشهور
لك تحياتي وتقديري

ابوسفيان
يعطيك العافيه قصيده جميله تقبل مروري
تحـــــــــــــــــــــ لك ــــــــــــــــــياتي

يعطيك العافيه اخوي ابو سفيان قصيدة جميلة


تقبل مروري

قصيده رووووعه وتحمل من المعاني الكثير ... شكر لك... وتقبل مروووووووووووووووري

مشكور
اخي الغالي
ابو سفيان يعطيك العافية

	مشكورين اخواني الاعزاء على مروركم ويعطيكم العافيه ولكم تحياتي