لا يهمونك الحاقدين........؟؟؟

السلام عليكم ورحمة الله وبركاته

وبعد........!!!

يقـول من يكتب من الشعـر مــا راد = للطيـب مـدح والـردى له مذمــه
حل المجـال وخـاطري بالمثل جــاد = وكتبـت روس أقـلام لكـن ملمــه
قلبـي غـدا لوفـود الأفكـار ميــــراد = وابي اشرح الأوضاع لانه مهمه
وش رايكم باللي ركض داخل الماد = حتى تعب ومن القـدم سـال دمــه
لكــن جمهـوره غشـا عيونـه انــواد = وبالجهد هـو يجمع شتات ويلمــه
ولا فيهم اللي شجعـه سلم الأجــواد = وصار المغامر يشتكي زود همه
والنـاس اللـي بدلالته صـابه عنــاد = جاهم ضلام وضيعوا كل يمــه
والغيـم اللي مع غيبة الشمس رعـاد = ما يروي العطشان سيله وجمــه
وقصـر شمــخ مبنــاه قــافيه هـــداد = مـابه ذرى لـو هـو مبانيه زمــه
أشـوف نـاس فيهـم الحقـد يـــــزداد = هرجـاتهم ماغيـر ظلم ونمــه
كلامهــم كلـه وهايـم ولايـــــراد = مثل الرشاش اللي عجاجه يدمـه
ونــاس تغيـرطبعـم خبـث وانكــــاد = بخواطـر خبـث النوايـا تضمــه
بلاسبب عادوك من ضمن الاضداد = وقلوبهـم فيهــا اللعانــه تنمــــه
واللـي يشجعهـم خسيـس وسرمــاد = أهل النفاق أهل النفوس المرمــه
والحسـد نارتشتعـل وسـط الاكبــاد = مـن ينقلـه دايـم تحســر بهمـــــه
عرف الصديق من الذي ياخذ حياد = عندي دلايــل مـا يبـي بيـع ذمـــه
واللي أخس من كان لفضل جحـاد = صبخــا فـلا تثمـر وكــل يذمـــه
يــاللأسـف طيـب بالانـذال مافـــاد = العفــن لــوتطيــب لــه مـايتمــــه
ناس سوالفهم مثل هرج الاوغـــاد = مجـرد سـؤال لك يجيب المطمــه
هذا وانـا عـن كـل الانـذال صـــداد = وامشي مـع رجـال كــرام وقمــه
لـوهـم بعيـد بالمسـافه والاجــــداد = ارتــاح معهـم والصداقـه نتمــه
تـم الكـلام اللــي تبنــاه قصــــاد = موجز و هرجـي بالبشـر ما يعمـــه

اخوكم: أبو نجود

وعليكم السلام ورحمة الله وبركاته
أبو نجود


وأشكرك على اختيارك
وان دل يدل على ذوقك الرفيع
تمنيت لوكانت بقسم البوابة الأدبيه
ولكن المشرفين مشكورين سيتولون الامر
وآآصل ولا تحرمنا من جديدك يالغالي

أخوك

أبو نجود

يعطيك العافيه
طرح أكثر من رآئع
بـ إنتظآر جديدك
كل الود

قصيدة رائعة كروعة حضورك اخي ابو نجود
سلمت على هذا الاختيار المميز
ولاعدمنا جديدك المميز
لك مني جزيل الشكر والتقدير

يابونجودتحياتي

ابونجود الله يعطيك العافية

على القصيدة الرائعة والجميلة


تحياتي