لآلىء شعرية

الرجل قبل تحكم عليه فجأة رزه = يبين لك راهي بالعقل وإلا شحيح
والطيب واجد مجال الطيب مير أبرزه =إظهار فعل الجميل وترك فعل القبيح
حط إصبع الطيب بعيون الردى وإغرزه= وش قيمتك بالحياه إن ما كسبت المديح

لافي الغيداني


يا صاحبي لو كل شي يمر بالخاطر يقال= ما كانت العبره تولجني اليا منك طريت
شفني قدرت احبس دموعي بس دمع القاف سال =ويا كبرها ساكت ولكن داخل اوراقي بكيـت
عمر الحكي ما كان دافي لا ابتدى بقولة تعال = لاجل اتجاهل رجفة حروفي اليا مني حكيـت

محمد جارالله


لك في ضلوعي شاعر ٍ ما بعد نام =وان نام هاجوس القصايد يفيقه
أصدق من الدمعه على خدود الايتام= واحنّ من قلب الشقيق لشقيقه
يملى زوايا دفتري شيح وثمام =ومن فوق ريضان الحنايا بريقه

بندر بن محيا


والصاحب اللي كنت اظنه صاحبٍ شهم ونقي = وشلون طاوع نيّته في مثلي وخان الثقه؟
اللي ليا ثار الرصاص بدرع صدري يتّقي =كم طعنةٍ خذيتها عنّه وكم خَذْت فشقه
اهديته حصاني ولبّسته شدادي وبندقي =ومن يوم مالفيت له ظهري رماني بطلقه

خلف الكريع

ابو عامر
صح الله لسان الشاعر
ويسلموووووو على هالأبداع

بنتظار جديد

صح لسانك يابوعامر
عـــــــــــــــــلى
هالقصيده الحلوه
تقبل مروري من هنـــــــــــــــــــــــا

والصاحب اللي كنت اظنه صاحبٍ شهـم ونقـي
وشلون طاوع نيّته في مثلـي وخـان الثقـه؟
اللي ليا ثار الرصاص بـدرع صـدري يتّقـي
كم طعنـةٍ خذيتهـا عنّـه وكـم خَـذْت فشقـه
اهديتـه حصانـي ولبّستـه شـدادي وبندقـي
ومن يوم مالفيت لـه ظهـري رمانـي بطلقـه

مقاطع مميزة لشعراء معروفين بالجزالة
لك شكري وتقديري

يعطيك العافية على المقتطفات الرائعة والجميلة

قلم رصاص
جريح الصمت
ابو فواز
أبو فهد
شكراَ لكم على المرور.

ولكم مني اجمل تحية