لليلة القدر

لو الناس تدري عن فضل ليلة القدر..!!
.
.
دخيل الله الرحمـن مـن ضيقـة الصـدر
ومـن كـل هـم ٍ سـود الايـام يخفنـه
وانا عارف كل شي يجري قضـا وقـدر
والـي كاتبـه ر ب البشـر مالنـا عنـه
رضينـا بحكمـه والله الله يـابـو بــدر
بـدرب ٍ يوصلنـي انـا وانـت للجـنـه
لكن قـرب الدلـه مـع الشـاي لا خـدر
وابي علمك علم ٍ ماهـو علـم ابـن قنـه
ترى الحبه السودا ومعهـا عسـل سـدر
شفا بـاذن رب الكـون ماتشتكـي منـه
وحيـاة الفتـى لابـد فيهـا مـن الكـدر
وكـم غافـل ٍ لوعـات الايـام صحنـه
تمر السنين وساعـة العمـر فـي هـدر
والانسـان نبضـات الثـوانـي يعـدنـه
ودرب المراجـل واضـح ٍ كنـه البـدر
ولا كـل رجــال خطـاويـه يقـدنـه
وكـم واحـد ٍ يبغـا يعبـره ولا قــدر
يحـاول يعبـره لكـن اريــاه يعمـنـه
هذا أعوذ بالرحمـن مـن وجهـه الـودر
ومـن دروبـه اللـي للنهـايـه يـودنـه
وترى الراي الاقشر فيه نوع ٍ من الغـدر
اذا كان راع الـراي يغلـب علـى ظنـه
وترى كـل واحـد يحتمـل منـه مابـدر
دليـل الرجـل عقلـه والايــام يقفـنـه
واذا كنت ماتـدري عـن السالفـه فـدر
تـدور الـرحـا وافـضـل لله والمـنـه
وعن الوضع لا تسأل ترى الوضع في حدر
وبْعض اسأله تجلـب عـل قلبـك الونـه
مثل من ******* يا(مقتـدى الصـدر)
وهو ********************
ابي اسكر الموضـوع لـو الجمـل هـدر
مصيـر الحـوادث والليـالـي يهـدنـه
ومصيره يعـرف الواقـع المـر لا(فـدر)
ومـع الوقـت صلفـات الليالـي ينسنـه
ويبي يظهر المـلاس مـا يخفـي القـدر
وحنـا عسانـا نعـرق ادغـام بالغـنـه
ولو الناس تدري عن فضـل ليلـة القـدر
ماشفـت الاوادم باخـر العشـر منجنـه
وانا مـا اعمـم لكـن اقـول مـا نـدر
قليـل الـذي منـا علـى منهـج السنـه


شعر / عطاالله ممدوح