مجاراه وديه مع الشاعر محسن ال عطيف

مجاراه وديه مع الشاعر محسن ال عطيف ابو مازن
متعب الريثي
ارسل رســــــــــاله عاجله عبر الاقمار
تاصـــــــــــــل لابو مازن وتفهم جوابه

لانه من اهل العـــــــــز والطيب والكار
انعم باال عطــــــــــــــــيف ياخير لابه

ابو مازن
يامرحبا ترحيب يوفي لماصــــــــــــــار
بعداد هلات المزن من ســــــــــــــحابه

والمعذره ياالجود يانســــــــــــل الاخيار
شرواك شــــخص(ن)في الشعر يقتدابه

متعب الريثي
والله مثلك تنقبل منه الاعـــــــــــــــــذار
فمرحـــــــــــــــــــــبا باالخط واللي لفابه

تواجدك يضفي على القلب الاســـــــرار
وهـــــم(ن)بقلبي كان موجــــــود غــابه

ابو مازن
سر ياقلم واكتب لوافين الاشـــــــــــــبار
اهل المجد واهل الشـــــــــعر والخطابه

ان قيل متعب تلتفت كل الانظـــــــــــار
وان ثارة الهيجـــــــــــــــاء فمقــدام لابه

متعب الريثي
وصبين من ال عطيف كا البندق ان ثار
ان كـــــان يوم الحــــــرب كلن يهــــابه

انعم بكم مليون ياالصـــــــــــاحب الجار
فاانـــتم هـــل الطــــالات في كــل جابه
مع تحيات متعب الريثي

ياسلام على المجاراة التي تحمل بين ثناياها لؤلؤ منثور
ابدعتم بما نسجتم من جميل الكلام ومضمون المعنى
شكرآ كبيرة لكما اخي متعب تعانق القمم

صح بدنك الاخت العزيزه الاستاذه الحره
الف شكر لمرورك تحياتي لك اخوك
متعب الريثي

صح لسانك اخي متعب الريثي
مجاراة في قمة الروعة
بنتظار جديدك لاهنت ..
دمتَ بـ سلام

اخوي الاستاذ راعي الفزعه
صح بدنك ولاهنت اسعدني
مرورك لاعدمناك اخوك
متعب الريثي

مجاراة رائعة
صح لسانك اخوي ولسان محسن
ابيات في قمة الرووعة
شكرا لك على نقلها لنا هنا
ودمت بحفظ الرحمن

الاخت الاستاذه بسمه صح بدنك
ربي يسعد ايامك
اخوك متعب الريثي

صح لسانك
وعلا شأنك

الاخت دلع العذارى صح بدنك
ربي يسعد ايامك تحياتي لك
اخوك متعب الريثي