ابسرح فيك عقد يلمع الماسه !

.. .. تغانم ما بقي فـ القلب : والإحساس .. ترى بعض القصايد منْك : حسّاسه .. ! ينوش الصبْر بعضٍ من نبض وانفآس .. ولك من شاعرك : ما يجمع انفآسه .. ! علامي بسّ اشوفك في وجيه : النآس .. وانا اللي لـ اجل حبّك : تآركٍ نآسه .. ! فرآقك : ليل ؛ وابيات الووجع : عسّاس .. ومات الصبح قبْل يمووت : حرّاسه .. ! ترى الأحلآم : ناس ؛ وعرقها : دسّاس .. واشوف الحلم ينكر فـ الحشا : ساسه .. ! لو انّ الغدْر : شيمه ؛ ما اشتهر : جسّاس ... لـ ذلك وقتي اشهر من : قوى بآآسه .. ! علآمي لا زرعت الحْلم ينبت : فآآس ... وانا حلمي كريم ويطلبه : فآآسه .. ! على جرف الزمن كلّ الأمآآني : كآآس .. ولا منّه تعدّل .. ينكسر : كآآسه .. ! على الحالين نبكي والدموع : اجرآس .. وكان الحلم : عين ؛ ودقّت : اجرآسه .. ! وانا وش حاجتي لو قيل لي : حسّاس .. ترى الشاعر يهيم بـ كذبة : احسآسه .. ! تخآفين الجفا ؛ والقرب ؛ والمجلآآس .. اجل وش حيلة اللي بعدك : اتعآآسه .. ؟ ليا منّه نوى يبعد يجي : محتآآس .. ولا منّه قرب يتعبْه : مجلآآآسه .. ! حلمنا ثم حلمنا بسّ دون : قيآآس .. يا ليت الحلم بيّن : وش هو قيآسه .. ! خذلنا الوقت يا بنت الشررف ؛ لا باس .. بـ يبقى حلمنا : مرسم .. وكرّاسه .. ! وانا اْعرفك المطر يوم الضلوع : يبآس . قبْل كم يوم عاد الضلع لـ : يباسه .. ! كسرك : العُرف ؛ ليله وانحنا لك : رآس . على صدرك تعآلي واحضني : رآسه .. ! تعآلي من سوآلف ظلمنا : هوجآآآس . ابسرح فيك : عقدٍ ؛ يلمع : المآآسه .. ! وهاتي : حرف فرحه ؛ ينعش : القرطآس .. الا يا حبْر شاعرها .. وقرطآآسه .. ! ترى شاعرْك يسهر ما لفاه : نعآآس .. يبي يحلم بـ قربك ؛ ردّي : نعآسه .. ! وهو لا شاف وجهك في وجيه : النآس .. بـ يضحك ضحكةٍ لـ النآس حسّاسه .. ! مجرد ذائقة

ذائقتك جميلة جدا اختي الحرة
يسلم ذوقك
شكرا بحجم الكون

ذوووووق شاعري خرافي يالحره لاعدمناك شكرا مليئه بالتحايا لك

علامي بسّ اشوفك في وجيه*: النآس*
.. وانا اللي لـ اجل حبّك : تآركٍ نآسه .. !*


..

عظيمةٌ في المعنى جداً ..
حنيت لها رأسي فـ دخلت
أبدعتِ جداً عزيزتي الحرة "
سلم الترف الشاعري !

ذووووق لا يعلى عليه اختي الحرة

سلمتي وسلم ذوقك

شكرا بامتداد السماء

اخواني اخواتي
اسعدني حضوركم وتواجدكم
لكم جل التحايا

ذائقه جميلة

سلمتي ي انيقه

اشكرك على المرور الطيب اخي مراسل