مجاراه مع الشاعر عيد خزاعله ابو امجد

مجاراه مع الشاعر عيد خزاعله ابو امجد
_______________________
ابو امجد
العطس دايم ما انقطـــع لو دقيقه
والرشح زاد ولا نفع فيــــــه ليمون
ابو حمد
البرد زايـد والهــــوا فــــي طريقــه
دور مكان لك مـــــن البرد مضمون
ابو امجد
اسرق ثـــواني بين وقتي سريقه
وارسل لكـم اشواق ياللي تعزون
ابو حمد
كلامكم مثـــــل الذهب في بريقه
غالي على التجار واللي بيشرون
ابو امجد
انتم هل الشومات هذي الحقيقه
ياللي بزول الضـــــيف دايم تهلون
ابو حمد
الصادق بقوله بيمــــدح صديـــقه
ومثلكم يستاهل المدح مليــــون
ابو امجد
وقعتلك من حب قلبي وثيــــــقه
وشحتها بازهار جــوري ودحــنون
ابو حمد
سلمت ياراعي العـــهود الوثيقـه
مثلك على درب النقاء مايخونـون
ابو امجد
جاريت ثم وفيت هذي الحقيـــقه
ممنون لك يابو حمد حيل ممنـون
ابو حمد
ابو حمد يعتـــــز بــــك من فريـــقه
لاانك من اهــل الطيب ديم بيوفون
اهل الكرم واهل المناصي العريقه
تاريخهم معـــروف والناس يـــدرون
ابو امجد
الزين مكسب مبـــعده ما نطيـــقه
لا والذي يابو حمــــــد زان هالكون
ابو حمد
بنختـــم القيــــفان لـــكن دقـــيقه
لازم تكـــون انت الذي تختمه هون
ابو امجد
ابشــر فـــديتك ماس وانت بريقــه
لا تطولوا الغيبات ياللـــي تعــــزون

مع تحيات متعب الريثي

ماشاء الله تبارك الله
مبهرين ورائعين
لاهنت يابو حمد
وصح الله لسانكـ

تقبل تحياتي

مجاراه ممتعه ومضمونها ذووق

صح الله لسانكم
وسلمت يمناك يابوحمد

المشاركة الأصلية كتبت بواسطة أمير الذوق

ماشاء الله تبارك الله
مبهرين ورائعين
لاهنت يابو حمد
وصح الله لسانكـ

تقبل تحياتي

الاخ العزيز امير الذوق صح بدنك اسعدني حضورك
تحياتي لك اخوك متعب الريثي

المشاركة الأصلية كتبت بواسطة تميم

مجاراه ممتعه ومضمونها ذووق

صح الله لسانكم
وسلمت يمناك يابوحمد

الاستاذ تميم صح بدنك ولاهنت على مرورك
تيحياتي لك اخوك متعب الريثي