الليــــــــل ,

الليل لقبل تنام الناس من بدري

وانا همومي تجيني لا بدا ليلي !!

تجتال داخل خفوقي في وسط صدري

انهد منها شموخي واتعبت حيلي

ولاقلت ذنبي دخيلك قاللي مدري

هم ٍ بقلبي سكني واسرف بويلي

حتى بشعري بلاني واعتلى سطري

ماكني الا بوجهه مسرج ٍ خيلي !!

ماقد تركني معي حتى طلع فجري

ولاغير ضيقي معه غاية محاصيلي

الحظ عاثر واشوفه مهتوي جبري

ضيـّـق فضاء الكون فيني فوق تكبيلي

والصاحب االلي نسى ماهو على خبري

معقووول ينسى مع الايام ..تدليلي !

لصار حبي لقلبه ياعرب فطري

وشلون يرضى مع الايام تبديلي !!

باقصى الشرايين حبه لو درا يجري

ياليت مره معي يصدق ..ويوفيلي

ما يذكر انه تمنى باللقاء عطري

وفنجاله اللي اصبه من معاميلي..
سنين راحت وانا الهوجاس بي يسري

ودموع عيني عشانه بل منديلي

وش غــيّــر الوقت يومه ماعرف قدري

راح وتنـكّر ولاعبـّر مراسيلي

هو اعرف الناس في شوقي وبي يدري

ولا فيه داعي انا اشرح له تفاصيلي

ولا يبكي الحب دامه من حفر قبري

مابيه يرجع على ذكراي ويجيلي

ودعت دربه معي ما عاد لي يطري

يكفيني اللي مضالي من غرابيلي

والليل لقبل تنام الناس من بدري

وانا همومي تجيني لا بدا ليلي

شعر / محمد العسكر .

قصيدة رائعة
واختيارك جدا مميز
شكرا لهذا الحضور الباهي

كـ عذوبةِ المآءِ شُكراً

جميلتي :: / إنتقآءٌ ذو شجن

ودك بـ الوآقعِ قليلاً

لـ وجنتيكِ قُبلتي ....~

سلمتِ يَ عطر .....*

أنتم مُزن مُحملــه بهطول عذب ومبهج , إليكم جميعاً
آوطــأن من شُـــــكر وبـــاقات من توليــــب
وكثير كثير جداً من المُنى , والفرح
سلمتم من كل سوء :)

سديم

يعطيييك العافية على هذا البوح الصادق والابيات المعبرة

الجميلة التي تحاكي الذات بسرد من الشعر والقوافي

ونثر الابداع في هذه القصيدة وما تحوته من جمال الابيات

انت مبدعة يا سديم وصدقيني ستضيلين دائم مبدعة

قصيدهـ رااائعه
سلمت يداكـ سديم احتيار مميز
لاعدمناجديدك وحضوور الجميل
ودي وتقديري

وأنتما نقاء وبهــاء مُزهــــر , واثق الخطى , الكاســر .
إمتنان ترنيمتهـ عرفـــان لهذا المُرور , اُمنيات كُبرى
الوان بهجة , وتحية بيضاء .

صح لسان الشاعر / محمد العسكر

وسلمت يمين سديم

أبيات جميلة ورائعه


شكراً لك

قصيدة راااائعة جداا

شكرا سديم لهذا التألق

بارك الله فيك

دوماً هُناك إطلالات مصحوبة بكثير من الألق .. تليدي , أبوفيصل
شُكري لكم أكبر وأعمق , طابت أرواحكم النقية
ودمتم بخير