الشاعر محمد بن ناصر السويلم

محمد بن ناصر السويلم رحمة الله عليه.. شاعر له بصمة
خاصة تميزه في كتابة القصيدة العاطفية.. لم يحفظ من شعره
سوى اليسر .. توفي رحمه الله في الرياض 2005م
عن عمر ناهز الثمانين. رحمه الله رحمة واسعة.

من قصائده

ليت التلفون مـن يمـك ماينقطع يابعـد روحـي

والهرج لا صار من فمك يصير بالحيل مملوحـي

ياخف روحك على دمك عندك سواليف ومزوحي

واللي تجرا على ذمـك من يمه الاذن ما توحـي

ياليت من هو ولد عمـك يصير له منك مصلوحي

***

أرسلت لك ياعزوتي كـم مرسـول وابطـى جوابـك ياحبيبـي عليّـه

ياحول انامن بـدت النـاس يحـول حظي معك دايـم عزومـه رديـه

ياليت منهو يا هوى البـال مقبـول عندك بصـف اللـي لهـم قابليـه

أرجي لعل الحـب ينقـاد بسهـول ويحـطـه الله بينـنـا بالسـويـه

مسكين منهو من هل الحب مقتـول يشكـي ولكـن مـا تفيـد الشكيـه

كم واحد يمشي مع النـاس معلـول وجروح قلبه فـى ضميـره خفيـه

اللي ذبحني ذبح ما هوب مجهـول لاشـك ماتـدرون كيـف القضيـه

انا أشهد ان الحب يلحق على الطول سعـادةٍ(ن) ولا حيـاةٍ(ن) شقـيـه

***

ابكي على ما جرا لـي ياهلـي قلبـي انـا بالمحبـة مبتـلـي

ولا حصل من يحـل المشكلـي مع ناعم العود انا لـي مسألـة

ياناس روحي تراها في خطـر كله من اللي على بالـي خطـر

والحب كله على العاشق خطـر كم واحد ماحصل من ممشى له

قولوا لمن صابني يعطف علـي وان كنت مخطي فلا يزعل علي

وان كان جاني حبيبـي ماعلـي خلوا حبيبـي يجينـي واسألـه

خلـوه ينظـر بحالـي مايـرى ولا تقولـون ظنـك وش تـرى

لا شاف حالي وشاف اللي جرى يفعل علـي مـا بـوده يفعلـه

الصبر عندي على شانه قضـى ولا أتأسف على ماقـد مضـى

يابخت من صار يوريه الرضـا والزين والفن كلـه مـن هلـه

انا معه كل وقتـي فـي ولـع وهو معي كل وقتـه فـي دلـع

يانـاس هـذا قتلنـي بالـدلـع خفيـف دم وعسـى الله يقبلـه

اذكـر ليالـي المحبـة والوفـا واذكر ليالـي المـودة والصفـا

كفـى كفـى ياحبيبـي ماكفـى مرسول عينيك تسمـح ترسلـه؟

واللي من الناس عمره ماهـوى ومن الهوى عمر قلبه مارتـوى

قله حياتك على موتـك سـوى مسكين ياللـي المحبـة تجهلـه

قصيده جميله جدا مشكور اخوي ابو بدر تسلم يمينك وصح
الله لسانك يعطيك الف عافيه

صح بدنك اخيـ الفتى الذهبي ـ

اسعدني مروك الجميل
لاعدمت توجدك الجميل

تحياتي لك

أخـ أنا ـوك
قصائد جميلة ورائعة الله يعطيك العافية
بارك الله فيك

وتحياتي

أخـ أنا ـوك
تسلم الانامل الرقيقة والذوق الرفيع
ألف شكر لكَ على هذا الموضوع المميز
سلمت يالغالي على روعه طرحك
لكـ مني كل التقدير على جمالية طرحكـ

ابوعامر
اميرة
كل الشكرلمروركم الرائع
احترامي وتقديري