ام توجّّد على ولدها

هذي قصيدة لأم ولدها في سجون امريكا تنفسة بهذي القصيدة الجميلة

أصيـح باعلـى الصـوت نـايـف فقـدنـاك

عسـاك تسمـع صرختـي يـوم أنـاديـك

أنــا أمــك الـلـي عيـدهـا يــوم لقـيـاك

يـا سعـد نفسـي لـو عيونـي تلاقـيـك

والقلـب نـاره تشتـعـل عـقـب فـرقـاك

مــا تطـفـي النـيـران يــا كــود أيـاديـك

لبست ثـوب الحـزن بعـدك ولا انسـاك

والـنــوم ودّع يــــوم غــابــت لـيـالـيـك

تاهت بي الخطـوات وادروبـي أشـواك

والدمع من عينـي علـى الخـد يبكيـك

أراجــــع الـمـاضــي واعــيــد ذكــــراك

تشـدنـي الـذكـرى وابـكـي لماضـيـك

سـجـيــن بـالـغـربـة ويـاكـبــر بــلــواك

الله يـعـيـنـك دايــــم فـــــي بــلاويـــك

هذا القدر مكتوب ... مكتوب مـا جـاك

اصـبـر عـسـى الله بالنـهـايـه ينـجـيـك

بديار ( بوشٍ ) سجنك الموحش هناك

ياليت لي قـدره علـى الـدرب واجيـك

يا سجن ارفق مسندي وسـط مبنـاك

مـا شـاف شمـس ومظلمـات مبانيـك

مـدري يـا عمـري كيـف الأحـوال ويّـاك

طمـنـي عـنـك طـمـن امــك تحـاتـيـك

من يغسل اهدومك ومـن قـام يرعـاك

ومـن يطبـخ الوجبـات منـهـو يواسـيـك

ومنهـو الـذي بالليـل لا نـمـت غـطـاك

خوفـي علـيـك الـبـرد بالحـيـل يـوذيـك

ودي قـبـل مـوتـي مشـاهـد مـحـيـاك

ودي أضـمـك فــي يديـنـي وحـاكـيـك

يــا حـافــر قـبــري دخـيـلـك رجـيـنـاك

تحـط فــوق النـصـب نيـشـان بوصـيـك

يمكـن يحـيـن الـوقـت تـرجـع لمـربـاك

وتـزور قـبـري مـسـرع فــي خطـاويـك

يـا سيـدي سلـطـان تكـفـى طلبـنـاك

يـا راعـي الفزعـات تشـكـر مساعـيـك

شـــلال طـيــب منـبـعـه دوم يـمـنــاك

خـيـرك مغـطـي كــل بـيـت بـاراضـيـك

وقـت الشدايـد مـا لهـا غـيـر شــرواك

يبشـر بـعـزه كــل مــن جــاك ناصـيـك

يــا سـيـدي سـلـطـان حـنــا فـدايــاك

بـارواحـنـا نـفـديــك نـفـديــك نـفـديــك

الجود وانـت الجـود يمشـي ببمشـاك

يمـشـي وراك ويتبـعـك مـــا يـجـاريـك

يتعبنـي مـدحـك لــو أعــدد سجـايـاك

والـشـعـر يـرفــع رايـتــه مـــا يـوفـيــك

يالله عسـى المولـى يصونـك ويـرعـاك

ويـعـود نـايـف يــا عـسـى الله يخلـيـك

أبختصـرهـا يــا ذرى كــل مـــن جـــاك

شـكـوى تجيـلـك تنتـهـي مــا تعـديـك

قصيدة رائعه.....تحكي واقع ألم الفراق....وكسر رابط الصلة بين طرفين ...حيث أن هذا الرابط قوياً

تبينت ملامح قوته بدقة الوصف ثنايا الأبيات....

كان الله في عون تلك الأم...وأقر الله عينها برؤيته....

جنوبي ...اختيار موفق....وذوق رفيع

شكراً لك وبيض الله وجهك,,

أخــوك/ التليدي

بديار ( بوشٍ ) سجنك الموحش هناك

ياليت لي قـدره علـى الـدرب واجيـك


---------

قصيدة رائعه مؤلمة بمعنى الكلمة
كان الرب في عونها وأن يكحل
ناظرها برؤية ولدها فقد رسمت
كل ماتكنه من شوق وألم في
قصيدتها الأكثــــــــــــر من رائعه

---------

جنوبي أشكر لك اختيارك
وجمال ذوقك الراقي
ودي واحترامي

جنوبي

روعه الله يصبرها ويرد لها ولدها

طرح آكثر من رآإئع
سلمت يمنآإك

أبيات أليمة بحق

لكن

اصبري أمااااااااه

أسأل الله العظيم أن يفك كل أسير من المسلمين


أخي جنوبي

متميز كعادتك

وفقك ربي لما تحبه و ترضاه

فائق احترامي

تليدي
مميز في ردودك لاهنت يالغالي تشرفت بتواجدك

الجني / تسلم على جال اسلوبك في الرد اشكرك

اميرة / ومرورك رائع ويارب يصبرها نعم
عسى الله يجمع كل غائب بأحبابه

هدوء اللهم امين يار ب ان يفك اسر كل مأسور من المسلمين
ويردهم لمن يرجيهم شاكر لك طيب المرور

مؤلمه..