اشعار الملك فيصل رحمة الله وادخله فسيح جناته

اشعار الملك فيصل رحمة الله وادخله فسيح جناته

من روائعه

الا يامل قلب ٍ كل ماجا الليل جاه خلاج ....
يلوج ويجتلد بالصدر والعربان ممسيني

أنا متحير مدري عن المدخـال والمخراج ......
ألا واعمس رايي مالقيت اللي يقدينــي

الا يامجيب دعوة من تـصافق فوقه الامواج .....
أنا بحماك ياوالي الخلايق لاتخلينـــي

الا ياوجد روحي وجد من خلــوه بالمسهاج ......
كسير الساق بنحور المعادين المغليني

إلا من دك هوجاسي ولو انــي على ديباج ......
ولو جالي جميع البيض غيره مايسليني

الا واهني مخلوق ٍ يفرج ضيقتـــــــــه لاداج ......
إلا منه دخل بالسوق غاد له ميادينــي

ترى بعض العرب عمله بروحه مثل عمل سراج ......
يضوي للعرب والنار في جوف المسيكيني

من محاوراته

ومحاورات الملك فيصل رحمه الله كان أكثرها مع الشاعر الكبير عبدالله بن عبدالرحمن العنقري المعروف بـ (لويحان)
لانه كان خوي وملازم له رحمهما الله

وهذه واحدة منها

الليله الليلـه الليلـه نبـا الطـاروق طـرقٍ غريـب
مثـل الدراهـم الـى قامـوا صيارفـهـا يعدونـهـا

والله مـا ادري يطيـب لسيـدي والا مـا يطـيـب
ان كان ما ناسبت لك يا سنادي جـزت مـن دونهـا

الملك فيصل

الليلـه الليلـه الليلـه شواريـبٍ تـحـد الشـريـب
والاجنبيـه الـى وردت علـى الـمـارد يحدونـهـا

ياذيب ياذيب ياللي جر صوتـه فـي علـو الشذيـب
ذكرت عيني وهلت واهملـت مـن عقـب مظنونهـا

لويحان

عندي خبر بك جروحٍ ما يسر بهـا عـلاج الطبيـب
مير انحـروا روضـة التنهـات ساكنهـا يداوونهـا

من قال ابا اصبر وابا اكنا الجرح لين انه يجيه العزيب
يصيـر بيـن الرجـا واليـاس باعوهـا ويشرونهـا

الملك فيصل

ما نيب زملٍ عليهـا مـن بعيـد ولا قريـبٍ طنيـب
يا عسرها وانت تحسبهـا ولـو صديـت يـا هونهـا

تراي لو صرت عنه ابعيد مرجاعـي عليهـم قريـب
والديـره اللـي نحـل ابهـا عدانـا مـا يحلونـهـا

ومن محاوراته

جرت محاااورات بين الملك فيصل رحمة الله و لويحاااان

لويحااااان
هاضني براق ليليٍ تسارا
...........................لاح برقة واعترض في كل ديرة
يالطويل العمر كنا بالنهارا
..........................الله اعلم بالبيان و بالسريره

فقال الملك فيصل

شوفكم بالعين ولا بالخبارا
...........................كود توهف لي على حروة غديرة
خلنل باللوح بالماردخشارا
..........................والخشير ملزمٍٍ يخشر خشيــــــره

فقال لويحاااان

يا اشقر الجنحان يا طير الحبارا
................................... انت تدري بالمضرة والسريره
اتعذر منك زينات العذارا
.................................اسمحوا لي بالكبيرة والصغيرة

فقال الملك فيصل

والله ان ودي مع الدرب انتبارا
.................................والسبور اتروح قدام المغيره
وش علامك تنحرف عني يسارا
..................................ماتبي مجراي والشسطة قصيره

فغير الملك فيصل الطااارووووق بطاروووووق فريد وغريب من نوعه..

خفا ما علـــى مثل خفـــا
..........................ولـــو كان بتخفـــونها
اعف القصير من الطويل
..........................عسى القصر يكهل من بناه
وفاء اللوح ولا ما وفــا
.........................لــــزا شـــدها يمتونهــا
انا ما ادعيك بلا دليــل
.......................ولا اضرب طواريق الفلاه

فقال لويحااااان....

طفا سوهــا عنـــي طفــــا
...........................مقـــالات لا تحيونــــها
تســامح عســى عمرك طويل
............................ومن جاز له درب مشاه
صفـا الوقت ولا ما صفــا
..........................صعيبات واقصــر دونها
سبب حملهم حمل ثقيل
.......................ولا كل من شاله قــــواه

ومنها ايضاً

محاوره بين الملك فيصل رحمه الله وهذال المطيري
والقصيدة تحكي عن نفسهااا

الملك فيصل :

هذال هذال يومنك سـرقت البعير
انتم دريتوا عن الحكام و الا رقود

وراك ما خفيتها واناا حسبنك بصير
لين اقبضوك النشاما يالحصان العقود

هذال المطيري
يا فيصل الأمر لله ثم لك يالامير
ياولد عبد العزيز الحاكم بن سعود

انتم عفيتوا عن اللي شال حملٍ كبير
ما هو بعير بلوا ني به عيال القرود

وهناك شوارد أبيات من قصائد للملك فيصل رحمه الله لم تصل إلينا منها :
قول الملك فيصل:

قولوا لنزال الحدود عن حدنا ينزح وراه

عاداتنا قشع العمود والطير نرمي لـه عشاه

ولـه أيضاً:

يا طارشي للسيف قل لـه جوك العوادي بالحديد

كم واحد قفوه ظلـه قريب والا من بعيــــد

م/ن

تقبلو خالص تحياتي

رحم الله الملك العادل الخالد ذكره فيصل بن عبدالعزيز آل سعود وأسكنه فسيح جناته.

شكرا ابو بدر على منقولك الجميل الرائع.

شكرا ابا بدر على نقلك الرائع والجميل
لك تحياتي وتقبل مروري

ابوفيصل
الذوق الرفيع
مشكورين على المرور الكريم
لكما تحياتي

قولوا لنزال الحدود عن حدنا ينزح وراه


عاداتنا قشع العمود والطير نرمي لـه عشاه

سلمت يداك يابو بدر

رحم الله الملك فيصل بن عبدالعزيز
واسكنه فسيح جناته

مجموعة انسان
ابوسفيان
مشكرورين على المرور الجميل

قلم رصاص

اسعدني مرورك الكريم

مشكور ولاعدمتك تحياتي لك

رحمه الله واسكنه فسيح جناته
شكراً لك اخي ابوبدر وتقبل مروري

فتى الربوعة
مشكور على المرور الكريم
تحياتي لك

رحم الله الملك فيصل واسكنه فسيح جناته


وبارك الله فيك اخي الكريم ابو بدر تحياتي لك

الفتى الذهبي
مشكور على المرور الجميل
لاعدمتك تحياتي لك