تساؤلات مطبخيه

مسااااؤو يا صبايا

تعالن انا في مصيبه

يوم الجمعه عندنا عزيمة كبيرة
كل نسوان القبيله الله يبارك

و الطبق حقنا ورق عنب و ملفوف
الحين دوووورت ودورت في منطقتنا ناس تسوي طلبيات مافي
اخر وحدة كلمتها قالتلي ٢٥ حبه بـ ٧ ريال يعني تقريباً ٧٠ ريال سعودي
هذي ٢٥ ما تكفيني انا وبنت عمي فكيف بتكفي قبيله
والمشكلة سعرها مبالغ فيه

بعد هذي السالفه كلها
قلت بلف انا واختي وحدنا ورق العنب

واشترينا علب كثيرة
المشكلة الورق ماااااالح وااااجد


عندكن فكرة كيف اخفف ملوحته 😰.. أو لازم اشتري جديد

و صح جربتن من قبل تفريز الورق في الثلاجة قبل الطبخ

السفيره معجب بهذا

المشاركة الأصلية كتبت بواسطة ميساء الحياه

مسااااؤو يا صبايا


بعد هذي السالفه كلها
قلت بلف انا واختي وحدنا ورق العنب

واشترينا علب كثيرة
المشكلة الورق ماااااالح وااااجد

عندكن فكرة كيف اخفف ملوحته 😰.. أو لازم اشتري جديد

و صح جربتن من قبل تفريز الورق في الثلاجة قبل الطبخ

مساء النور

تخففي الملوحة اولا صفي الورق وغسليه بمويه بارده
بعدها بمويه حااره واغسليه وباذن الله تنتهي ملوحة الورق
واحشي الورق وبالعافية عليكم
وتتهنو بجمعتكم

السفيره معجب بهذا

وصراحة ماجربت تفريز ورق العنب
لكن عادي الكل يفرزن ولذيذ اهم شيء الحشوة وطريقة الطبخ

السفيره معجب بهذا

المشاركة الأصلية كتبت بواسطة ميساء الحياه

مسااااؤو يا صبايا

تعالن انا في مصيبه

يوم الجمعه عندنا عزيمة كبيرة
كل نسوان القبيله الله يبارك

و الطبق حقنا ورق عنب و ملفوف
الحين دوووورت ودورت في منطقتنا ناس تسوي طلبيات مافي
اخر وحدة كلمتها قالتلي ٢٥ حبه بـ ٧ ريال يعني تقريباً ٧٠ ريال سعودي
هذي ٢٥ ما تكفيني انا وبنت عمي فكيف بتكفي قبيله
والمشكلة سعرها مبالغ فيه

بعد هذي السالفه كلها
قلت بلف انا واختي وحدنا ورق العنب

واشترينا علب كثيرة
المشكلة الورق ماااااالح وااااجد


عندكن فكرة كيف اخفف ملوحته 😰.. أو لازم اشتري جديد

و صح جربتن من قبل تفريز الورق في الثلاجة قبل الطبخ

ماشاء الله تبارك الله
كل القبيله ي ويلي هههع
ولا مصيبه ولا شي هههههه
افا بس أهل الكرم الاصاله
الله يعينكم ع العزيمه
توي اشوف سوالك من الايك توي افتحهم
الحمدلله لحقنا عليك قبل العزيمه

سلفتي سوريه يانها تعمل ورق عنب رووعه
الذ من حقون الي يبعونه
لكن ماتبيع ههع
ميساء ورق العنب الي بالعلب عليه ماده مالحه لأجل
الحفظ ف لازم انتي تغسلين ورق العنب كويس
مثل ماقالت راويه
انا اغسله بمويه بارده من الحنفيه وبعدين لمن
يروح اللون اغسله بسويه حاره نسيبا
عشان الطعم مايبقى مالح
بس
بعدين سوي الحشوه واحشيه عادي ولاتنسي
تكثري دبس الرمان بحشوة ورق العنب
والاستواء ياخذ ساعتين ومافوق خذي بالك
مادري احس ورق عنب البيت الذ من حق برا
بس الحشوه مقاديرها تمام وصفوه كويس
وراح يضبط

بلغينا كيف بيطلع لكم
وسوي معاه تبوله ع السفره يطلع روعه
وبالعافية عليكم
،،،

بنات بسألكم
انا احب شي اسمه بوب كورن(الفشار)
واسويه وأحيانا يضبط وأحيانا لا
صراحه ماحب حق السوق أو السوبر كله مليان زيت
احيانا مايرضي يتفشر و احيانا يتفشر
بس يكون قاسي
ايش الحل
او ايش النوع المناسب من الفشار
انا استخدم قودي بوب كورن ابو العلبه الزرقاء
انا اشك انه انا ماعرف اضبطه او انه العلبه مخزنه
في السوبر ماركت كثير رغم تاريخها جديد
افيدوني؟

نحن عندنا اله تعمل البوب كورن
في دقيقتين


لا تستخدمي المعلب ❌
نحن نشتري ذرة البوب كورن بالكيلو من محلات البهارات أو المكسرات

و حل أخر أفضل
أكياس البوب كورن الي تدخليها في المايكرويف
هذي سهله ولذيذة

السفيره معجب بهذا

شكراً حلاي وراوية على المساعدة❤️❤️
ان شاء الله بجربها بكرة و أحاول اصور لكم

انا متعودة اشتري ورق عنب بالكيلو
لكن هذي المرة ما لقيت و لجأت للمعلب

ان شاء الله تضبط معي 😢

السفيره معجب بهذا

سوال
اضطراري ههع
لمن يخلص عليك الغاز وانتِ في وسط الطبخ
يعني الطبخه ماقد استوت
ومافيه غاز
ايش الحل 😫

ميساء الحياه ,روند معجبون بهذا

المشاركة الأصلية كتبت بواسطة ميساء الحياه

نحن عندنا اله تعمل البوب كورن
في دقيقتين


لا تستخدمي المعلب ❌
نحن نشتري ذرة البوب كورن بالكيلو من محلات البهارات أو المكسرات

و حل أخر أفضل
أكياس البوب كورن الي تدخليها في المايكرويف
هذي سهله ولذيذة

بالفعل اخذت من ابو الكيلو من السوبر ماركت طلع
روووووووعه


يعطيك العافيه ميس🌹

السوال فوق 👆🏻

ميساء الحياه معجب بهذا

المشاركة الأصلية كتبت بواسطة السفيره

سوال
اضطراري ههع
لمن يخلص عليك الغاز وانتِ في وسط الطبخ
يعني الطبخه ماقد استوت
ومافيه غاز
ايش الحل 😫

صارت لي الليله وربي
ههههههههههههههههه

حمدلله عندي قدر كهربائي مغربي انقذني صراحه
وعندي كمان قدر اديسون كهربائي.


يعني نعمه صراحه اذا خلص الغاز

ميساء الحياه ,السفيره معجبون بهذا

سوال


الحين سويت عجينه
ع اساس اسوي خليه
بس ماعندي لا حليب مكثف ولا سكر


وش اسوي عادي العجينه اقعد لبكره والا تخرب ؟؟

ميساء الحياه ,السفيره معجبون بهذا

المشاركة الأصلية كتبت بواسطة روند

صارت لي الليله وربي
ههههههههههههههههه

حمدلله عندي قدر كهربائي مغربي انقذني صراحه
وعندي كمان قدر اديسون كهربائي.


يعني نعمه صراحه اذا خلص الغاز

ماعندي قدر كهربائي صح يحل ازمه،
بس وقعت فيها كثير وصرنا نجيب غاز حبتين
بالمطبخ ان خلصت واحده نركب الثانيه
وهكذا ههههع
،،

روند ,ميساء الحياه معجبون بهذا

المشاركة الأصلية كتبت بواسطة روند

سوال


الحين سويت عجينه
ع اساس اسوي خليه
بس ماعندي لا حليب مكثف ولا سكر


وش اسوي عادي العجينه اقعد لبكره والا تخرب ؟؟

روند كنت باقول لك استخدمي بديل الحليب
المكثف اللي هو المنزلي
بس يحتاج سكر كثير


ي انك
تخليها خلية نحل مثل ماهي
وتصير موالح مع الشاي خاصه بحشوة
الكيري روعه موالح صح ،،

او لو عندك شيره مفرزنه تسقيها بشيره
حتى لو كان السكر قليل
او

تحولي مسار العجينه الى
بيتزا ومناقيش زعتر

او اخر حل
تفرزنيها
تحطيها بالثلاجه بالفريزر
وماتخرب ابدا لبكره او بعده
بس حطي لها زيت عشان لاتلصق بالكيس
ان بتفرزنيها بالكيس الشفاف
وتخرجتها قبل الاستخدام بساعه ونص تذوب
بسرعه

روند معجب بهذا

المشاركة الأصلية كتبت بواسطة السفيره

سوال
اضطراري ههع
لمن يخلص عليك الغاز وانتِ في وسط الطبخ
يعني الطبخه ماقد استوت
ومافيه غاز
ايش الحل 😫

صباحو
نحن نجيـب طباخة الرحلات 😂 ونستخدمها
الي تركبي لها اسطوانات غاز صغيره على كيفش

روند معجب بهذا

المشاركة الأصلية كتبت بواسطة روند

سوال


الحين سويت عجينه
ع اساس اسوي خليه
بس ماعندي لا حليب مكثف ولا سكر


وش اسوي عادي العجينه اقعد لبكره والا تخرب ؟؟

ايوه العجينة تقعد لبكرة ما تخترب

😅

انا ابداً ما اسوي حليب مكثف او سكر للخليـة الا اذا كانت لضيوف او جمعات
في البيت نسويلها عسل

السفيره ,روند معجبون بهذا