تعالو نحرج بعض بالاسئلة ؟

عني اندفن خلاااص
ماعندي ببيتي هاتف
يازينها من ايام واتصال التلفونات

هل بديتو تقضو لرمضاان والا بدري ..؟؟

ولا فكرت حتى هههه

لبسك عالموضة ؟
واذا كان كذلك ممكن تلبس جنز مقطع من عدة اماكن ؟

السؤال للجنسين //

واذا سالتم اسألوا اسألك محرجة مو عادية .

حلوه مقطع من عدة اماكن اجل وش بقي هههههه
نفر إفر يعني لااا عيب وشق جيب
طيب
للجنس الخشن الحين بالله ماتحسون فيكم شي غلط وان الموضوع اسراف ع البشره بعد ماتخلصون عمل المكياج زي في المناسبات الكبيره والزواجات وزي كذا

مافهمت هل تميم وضع سؤال ولا لا
تبع الجنس الخشن هو سؤال ولا رد ههع.

عندي ملاحظه للبس المتشقق
البنطلونات
سبحان الله قرأت مقال بذكره باسلوبي ع السريع
يقول الأغنياء جعلوا من أنفسهم فقراء بهذا اللبس. وتشبههم بهم لان الاشيا المقطعه مايلبسونها الا الفقراء.
فالله سترهم وهم يفضحون أنفسهم..
والفقراء يخيطون ملابسهم من رقعه لرقعه
يدورون لستر باي طريقه.

الله المستعان.

طيب سؤال محرج
هل قد خذلك أقرب قريب من أهلك.؟
وكيف تعاملت معه؟
<<تراه محرج كون أقرب قريب 🥴

مو حرام يالسفيره سطرين اكتبها واعبر واتسائل فيها واخرتها مو باين هو سؤال والا سالفه هههههه

عن سؤالك مو يقولون الاقارب عقارب يعني عادي يمكن يلدغون ههههه

الخذلان وغيره قد يحصل منا صراحه بس نادر وماحد قد يسلم ولكن الحمد لله الامور تعدي الى خير خاصه اذا وجدت عقلانيين يحتوون اي خلاف ويديرونه اداره تفصل في الموضوع وتنهيه وكلا بعدها يصلح سيارته ههههه

طبعا نعود لسؤالي اعلاه

موضوع وفكرة مجرمه عجبتني صراحة
يعطيك العافيه ندى وكل الشكر
والشكر لجميع المشاركين صراحة
استمتعت ونا اقرأ الاسئلة والاجابات الجميلة

يالله ننتظر الاجابة على سؤال تميم واتوقع انه للبنات بس يسميكم الجنس الخشن ههه
او اني مافهمت السوال عاد مدري
حبيت ابدي اعجابي بالموضوع ولي عودة ..

مرحبا الوف فزاع وحيا الله هالطله
كن بالقرب عندي لك سؤال محرج خصيص لك ههههه

المشاركة الأصلية كتبت بواسطة تميم

حلوه مقطع من عدة اماكن اجل وش بقي هههههه
نفر إفر يعني لااا عيب وشق جيب
طيب
للجنس الخشن الحين بالله ماتحسون فيكم شي غلط وان الموضوع اسراف ع البشره بعد ماتخلصون عمل المكياج زي في المناسبات الكبيره والزواجات وزي كذا

صار احنا جنس خشن ياتميم اجل انتم ايش 😼😹
والله احسبك تقصد الشباب واستغربت انكم تحطون مكياج ومسرفين بعد 👊🏻😽

عني مو مسرفة في هذا الشي وناااادر جدا احط مكياج
كامل / مايحتاج 👌🏻
الا لو كانت المناسبة تخصنا وهذا مايصير الا كل كم سنة
انا انسانة بسيطة حتى مع بشرتي ولا ارهقها فوق اللزوم

بعدين مو غلط الي تحط لان الكشخة ماتكمل
الا بهذا الشكل الاجرامي عند البعض / ! قصدي الاسرافي 👻

عموما الميك اب فن من فنون المكياج وهو مزاجات
في ناس تحبه ثقيل وناس خفيف وسلامتك ..

سؤالي /
وانت رايح دوامك قابلت بنت ع الخط سيارتها معطلة
وكفراتها مبنشرة وحالتها حاله هل تساعدها ولا تهمشها
بما انك رايح دوامك وماعندك وقت !

المهمً كيف تتصرف ؟
يلا شباب ؛

المشاركة الأصلية كتبت بواسطة فزاع

موضوع وفكرة مجرمه عجبتني صراحة
يعطيك العافيه ندى وكل الشكر
والشكر لجميع المشاركين صراحة
استمتعت ونا اقرأ الاسئلة والاجابات الجميلة

يالله ننتظر الاجابة على سؤال تميم واتوقع انه للبنات بس يسميكم الجنس الخشن ههه
او اني مافهمت السوال عاد مدري
حبيت ابدي اعجابي بالموضوع ولي عودة ..

هلا فيك فزاع نورت الطرح الله ينور عليك
وخليك مستعد لسؤال تميم الخصيص ) تراه مايمزح هو واسالته 😂😂

لا والله اهمشها ولا دريت عنها وفي غيري فاضي يساعدها وراي عمل وتحضير في الدوام لا ومن زين العذر ههههه

ع طاري السواقه هل تشوفون مثلا الي يعلم زوجته والا بنته السواقه في الشارع ان فيها احراج لهم الاثنين والا طبيعي

اي طبعا فيها احراج ونص ومليون
في اماكن مخصصه وبرحه وواسعة
وبعيده عن خلق الله والدوريات..

على السيرة تذكرت سالفة
وحده من قريباتي طلعت هي وزوجها الشارع
بعدهم حديثي عهد بالزواج
المهم قال يالله انتي سوقي
الحارة فاضية ومافيها احد
نسي ان الدورية لهم بالمرصاد
المهم صارت السيارة تروح وتجي لانها ليسع ماتعرف
وشوية الا الدورية فوق روسهم
تحسب فيهم شي ولا ماشيات هههههه
قام طلع زوجها قال هذي زوجتي جالس اعلمها السواقة
ام الفضايح هههههه

سؤالي/ للمتزوجين / )
كم مره في الاسبوع تتخاصموا ومين يبدا بالصلح .؟

دا كان زمااان ههههه الحمد لله مافي اي خصمه لااسبوعيا ولاحتى شهريا
الناس تمل المناوشات ومع الوقت تعرف كيف تمنعها او حتى تتجنبها ان حصلت وان حصلت اي واحد يبادر ما اعترف بمبدا المخطي يعتذر

سؤال يستمرر لقوة احراجه هههه

يمكن يمر اسابيع مانتخاصم
ويمكن نتخاصم على اشياء بسيطة
ونجلس يوم كامل
وبعلولي دايما هو الي يبادر يكلمني
بدون اعتذار ولا شي لان المسألة ماتحوج اصلا ،،

يستمر لجمال الاحراج الي فيه ههههه

ههههع ماشاءالله عليكم
تدورون الاحراج
شفت السؤال قلت الحمدلله تميم رد
اشوفه يقول يستمر
قلت الحمدلله ندى ردت اشوفها تقول
يستمر هههه

..
الخصام خلاص مو وارد في قاموسي
احس كبرنا ع الهالشيء
الواحد يدور الآن راحة البال والاستقرار
انا مازعل لأنها ع أمور بسيطه تافهه.
مثل الملح بالأكل لازم مناوشات بسيطه
يوميه.

>>ماراح اقول يستمر ماتحب الاحراج هههع

طيب سؤالي
احيانا احد يقولك سر لاتقوله
لاحد ولاهميته وتبي تعرف حقيقيه
يجلس يقرقع بقلبك وعقلك وتبي
تعرف الحقيقه هل تدور ع الحقيقيه
وتسأل عن اساس الصحه ولا تطوي
الخبر ولا كأن قاله.
..

عشان يتضح السؤال اجاوب انا ههع
بالنسبه لي
انا اطويه من اي انسان كان سره في بير.

الا امي الله يحفظها لازم اكلمها ع السر ذا
واشوف رأيها..