سجل حضورك ببيت شعر

فوق الجروح اللي بقلبي سنين
يكفي دخيل الله لا تجرحوني

مادامكم منتم لجرحي مداوين
أنسو وجودي بينكم وأتركوني

وش من عذابي والعنا مستفيدين
وش مصلحتكم يوم تبكي عيوني

لا تلوم الحظ يوم الحظ خانك
الحظوظ أرزاق مافيها زعـل .
خلها دايم على طرف لسانك
قدر الله .. وما شاء فعل

الجو غيم وينتظر طلة الشوق ..
الا يابعد كل البشر في عيوني ..

قوم وخل نظرتك للسماء فوق ..
شوف جنون الغيم يشبه جنوني

ما نقص إحساس قلبك به ... يزيد
يشبهك حرفك وحرفك ... محترف
إن كتبت الحرف لعيونك ... أعيد
في حروفك ذوق وبحروفك ... ترف

الله خلق لي نفس تسمو على البوح
ماهيب لا ضاقت من الهم {~باحت
على كثر ماشفت ضيقات وجروح ..
لا الوجه متغير ولا العين صاحت

يا نفس صدي عمد و أرقي من رفاع اليا رفاع
وانتي عزيزة ما رضيتي ب التدني و الخضوع.

دام المساء في حضوري شي ثاني
أنا حضرت و أسعد الله مساكم

يسعد مساء اللي يواصلني بذوقي
ويسعد مساء اللي منور مسائي

يا طير.. جو اليوم ..مهطل بالامطار
والارض عليها انسام بغيم السحايب
ياطير.. خذ.. مني ..قصايد. واشعار
وعطي الحبيب اللي عن العين غايب

ما اغلى من الغالي سـوى ذكرياته
‏هي اللي بـ تبقى مع الوقت لا غاب .

الشجره اللي لاظلال ولاثمر
وش تنسقي له دام مابه فايده
اليابسه،،،،، ماضنها تطرح تمر
ماغير تشغلك بمساحه زايده
وش يجبرك تطا برجليك الجمر
تنسى السهاله وتتجه للكايده
تصبر زمن تشقى! واذا راح العمر؟
وين العوض؟ دام الخساير سايده

هذا زمان كل مافيه معكوس
حتى الرجاء ياقف على بابه الياس

الناس ما تبغى من الناس حاجة
الا القبول الزين والخاطر السمح

يامطول الليل الخواطـر كثيـره
أتعبني الهوجاس وأتعبنـي الليـل
**

خليتني من بيـن يـأس وحيـره
طال انتظاري وأنت طولت بالحيل

الغيم منزالنا وسهيل مركانا
والجَدي فنجالنا والشهب شبّتنا

احـدن يجيك وتنبسط له وترتاح

واحدن يجيك ويعجـز انه يسليك .
الفرق واضح بين صـادق ومــزاح
والي يبيعك صعب يرجع ويشريك