سجن القوافي(أسجن اللي تبي)!!!. "تجديد"

ما كان عابر سبيل ومرّني وأقفى
كان أكثر انسان تسّكني تفاصيله.

السفيرة مشغولة بالفعالية وماهي حمل السجن
بناجلها شوي ومكانك سر ياتميم ونوم العوافي 🤓

صحت السنتكم ابيات جميلة
واطول تمديد لـ تميم يستاهل

سجن مؤبد مع الاشغال الشاقة 🤫

ويستمر السجن لتميم 😅

اكفل تميم بذي الابيات :

‏النفوس اللي على بُغضك تجرّت
‏عزّ نفسك قبل يـظهر لك غثآهـا
‏.
‏والوجيه اللي من الحِشمة تبرّت
‏صدّ عنها ،، قـبل تـبلآك برداها


ودخول راعي الفزعة للسجن

بيض الله وجهك ي بحة هذا اللي كنت انتظرهـ
استبشرت بـ تواجدك اليوم بس خربتيها ههههه

ولايهمك فزاع بنرجع تميم وانت افراج

تغريني الذكرى وأضم الأمس
والأسئله عنّك ، شلون ؟ وليش ؟
وتشرق علينا كل يوم الشمس
وحنّا على نفس الجروح نعيش

هذا هو الكلام كفو ي ندى
يستاهل تميم خلوهـ يصحى
على حاله وهو فالسجن

تــمديــــد لـ تميم وبدون غدا ههههه

خروج تميم وعودة راعي الفزعة

‏ي صدري اللي على الكتمان متعود
‏ي كبر قدرك مادام الناس ماتدري
‏'
‏خلك على واقعك بالصبر متجود
‏لين الله يبدل الاحوال "ي صدري"

طيب هالمرة باسجنك يابحة

مهما فعلنا للرفيق المستحيل
أفعالنا مانفتخر في عدّها ،
أرواحنا تتعب على رد الجميل
لكن جمالتنا ما نبغي ردّها

كفو ي ندى كفالاتك محفوظة اذا انسجنتي اردها لك ما قصرتي هههههه

ولكن راح اطلع بحة تليدية بكفالتي

لو ماتقول الناسٓ تقنع به .. الناس
ماضاقت الدنيا بكثر الخطاياَ

الناسٓ تحتاج الامل من بعد ياس
كثر مايحتاجون بيض النواياَ !


وترجع بحة تليدية للسجن ! 😕

ياليل ههههههههه
صبركم بس اطلع

ابشري جاك الفرج يابحه خروج للفضاء الخارجي

بذا قضت الايام مابين اهلها *** مصائب قوم عند قوم مصائب

وندى شلي قشك والى السجن معزومه هناك ع العشا وبكره نجيب فزاع يتغدى بدلك هههههه

انه الانتقام ياساده 😤
قشي كثير ارسلي دباب يشيله 🚒

مبشر بالجنه تميم
ههههه شلي قشك وبسرعة

افا بنت العم في السجن لا مايصير انا رح اكفل ندى بهذه الابيات

صمت الغلا يجرح ولو كان بسكات
حتى غصون الحب يقطف ثمرها

صمت الغلا في داخلي يكتب ابيات
عيت قوافي الشعر تعرف بحرها

شرف على السجن ياتميم