سجل حضورك ببيت شعر

نامت حروف العتب واستحىٰ وجه الغياب !
وانطفىٰ شمع الوصل من رياح الراحلين

يازين ذكر الله في كل الأوقات
وياحظ من قلبه لربه رهينه
.
لامالت انفوس البشر للملذات
هو لذته ذِكِر وخشوع وسكينه

انا على كف الزمن ... عايش الجو
لو الظروف اقسى من اللي تجينا
.
عشت الحياه وقلت ياخاطري سو
محدٍ تفضل .... بـ الوناسه علينا

من عطاه الله قبول ومكانه واحترام
واشتهر من طيب ذاته وكلٍ به درى
.
إن تواضع مالقى إلا كرامه واهتمام
وإن تكبر شوفة النفس تحذف به ورى

خل الأمل ينبت ولا تدفن , الورد

حلوه الاماني تعطي الناس راحه

تراك لولا الصيف ما تعشق البرد

ولولا الأمل ضاقت عليك المساحه

يازمان الصمت
وش ذنب الحروف
لا بغت تحكي
معاناتك شطر
الوطن ديرة حنين
وفيها خوف
.والحكي يشبه
جروحك والعطر .!

ياحبيبي دام تدري في[ غلاك ]
أترك العالم ( تقول اللي تقول )


مادخل قلبي من العالم( سواك )
ما علينا من { سواليف الخبول }

.'

‏"لا المِّزن يعرفني، ولا قلب سلمى
ولا البـروق اللي تكاشح بروقي".!

.'

‏"يـا صاحبي هذا أنا اعدل سنيني مـايله
مريت في قلبك كريم.. ورحت مِـن ضمن الكرام"

مشكله لا صرت طيب*وقالوا*لك*هبيل*..*وانت طيب في التعامل وقلبك موسعه


ومشكله لا صرت مظلوم وفي يدينك دليل*..*ويتجاهلك حكم العداله وصوتك يسمعه

ومشكله لا صرت ظالم*وقالوا*لك نبيل*..*واشهدوا لك بالشهامه و غشك تجمعه

لك مكانه ياحبيبي ماوصلها غيرك
منزلك في وسط قلبي والضلوع أسواره

أنت تنهاني وتامرني وانا آميرك
قول ويش إللي تبي ويش الذي تختاره

لاتراجع ياحبيب الروح واصل سيرك
والتواصل بيننا لاينقطع مشواره
بقلمي

مرّني طيفك مرور العابرين
ليت قلبك مثل طيفك أجوّدي .

.'

‏"توّسدت الجراح وكل جرحٍ ما يطيب فداك
‏تنهّدت الغياب ونبت بين إيديك مشراقي".!

إني لأفرح بالعزيز إذا سأل
ويسر قلبي إن تواصل أو وصل

وأظل أذكر رائعات حروفه
مهما تباعدنا وطال بنا الأجل

هذي أحاديث المودة بيننا
ويخونني التعبير في باقي الجُمل

‏الصاحب اللي بالموده مصافيك
اللي معك ..في كل حلوه ومره

لا تخذله فالوقت دامه وثق فيك
وإن كان ما انت بنافعه لا تضره