تناديك المساري

تناديك المساري ياظنون التايه اللي دلّ
بعد ماصد من وجه العتاب وملّ تبريره

تحت ليلٍ ماهو لا لأشتياق ولا معاتب خلّ
لضلعٍ من زبن في نايفه مادور الخيره

يشوف ان شرهته مهما تكابرها ماهيب الحل
مع انه لو تخونه هقوته ماخان تعبيره

ويشوف ان طول صبره ثوبه اللي لو شمر مابلّ
كمومه من يقين جبلته والزهد ازاريره

تهاتيه الشعور المنخذل طولي تراك بحلّ
أنا اللي غض طرفه عن مداك و فضّها سيره

وفتح لك باب قلبه يا هنوفٍ تتقي و تطلّ
وهو قلبه مضيفٍ ما يملّونه مساييره

تحت رمشك تفيّت عبرته ما كن غيره ظلّ
عزاه أنك ملاذ لـ هاجسه وآخر مشاويره

كريمٍ يوم جاد بضحكته لك جادها من قلّ
يحن الغصن يوم يميل من شرهة عصافيره

مانادمْه بـ جفاف سنين عمره غير دمع وهلّ
وما واساه بـ ظنون الشامتين الا معاذيره

عساه يصير من عقب السراب الضامي اللي علّ
بعد ما زفّ له وجه الزمان أحلى تباشيره

مهوب يخاف من عثرات خطواته يخاف يملّ
ويفقد رغبته واحساسه وطبعه وتأثيره

تغافل لجل يسمو بأمنياته عن دروب الذلّ
وبعد ما قرْب من كسب أمنياته ، راحت لـ غيره .

ايلاف ,ناطق العبيدي معجبون بهذا

قصيدة راااائعة مدلولآ وقافية ..

سلِمَ البنان والبيان،
ودام ألقك اخي النادر .

انسان نادر معجب بهذا

كل الشكر لمرورك العطر

بارك الله فيك على الموضوع القيم والمميز
وفي انتظار جديدك الأروع والمميز
لك مني أجمل التحيات
وكل التوفيق لك

تِسَلّمْ الأيَادِيْ على روعة الاختيار
ولآحُرمِناْ ربي منْ جَزيلِ عَطّائك
لروحَكَـ جِنآئِن وَرديهّـ..,