تدري وش اللي يجرح القلب جرحين

تدري وش اللي يجرح القلب جرحين.................ويمد حبـل الحـزن فيـك ويشـده

انك تناظر طفل مـن غيـر ابويـن.....................يمشي ودمعـة سايـل فـوق خـده

منظر صعيب ويقسم القلـب قسميـن.................لا قـام يمسـح دمعـته بكـف يـده
يمشي ولا يدري طريقه علـى ويـن...................لين التعب من كثـر مـا تـاه هـده
اثقل حـروف يشيلهـا فيـة حرفيـن........................لا أب يـدريـبـه ولا أم تـــرده
في خطوته رحلـة ودمعـه وسكيـن.....................وحـظ توسـد بالمراسـي مـخـده
جيت اسألـته بالله قللـي ولـد ميـن..................وبغي يجاوب واختنـق صـوت رده
أنـا يتيـم ومـا لدربـي عنـاويـن......................وجزر الحزن فينـي يسـاوي لمـده
وطعم الطفولة ما عرفته لهـا لحيـن................وثوب السعادة صـرت مانيـب قـده
ابكي إلى من شفت غيـري سعيديـن....................ليـن البكـا فينـي يوصـل لحـده
واقفي ورحت امسح دموعي من العين..............وعيني تناظـر دمعتـه فـوق خـده
وهذا اللي يجـرح القلـب جرحيـن...................ويمد حبل الحـزن غصـب ويشـده

نسأل الله ان يكون في عون اليتيم
فكافل اليتيم صاحب لنبينا عليه الصلاة والسلام في الجنه
فلماذا لا نعتني باليتيم يا اخوان
وفقك الله ابو فواز

الرسول صلى الله عليه وسلم يقول انا وكافل ليتيم كهاتين في الجنه او فيما معنى الحديث
فمن منا لايتمنى رفقة الحبيب صلى الله عليه وسلم
مشكور الاخ ابو فواز

قصيده جميله يعطيك العافيه تقبل مروري
تحــــــــــــــــ لك ـــــــــــــــــــــياتي

بيض الله وجهك ياابو فواز موضوع مؤثر وقصيده رائعه
تسلم يمينك والله يرفع مقدارك ولايهينك ياكبير ياكبير
وتقبل مروري

تدري وش اللي يجرح القلب جرحين ابداعك اخوي ابو فواز
قصيده في جمال الروووعة
يعطيك العافية ولاتحرمنا من ابداعك




تحياتي لك