وقف دمعي من عيوني ابي من عينك ابكي لك ..

تجيني طيف ياعمري على جنحان شوقي لك
أخاف أرمش من عيوني وأبعثر صورة وصالك

حبيبي لا تجيني قول .وين أنت..وأنا أجيلك
أبيك تقول..وين أنت وعلى عيوني أنا اسعالك

وربي فوق روس الشوك لخلي القلب يمشيلك
واخلي ظلالي يسبقني قبل يحضني منزالك

ثواني بس أبي اتهندم من عيونك وباهديلك
في عينك ضحكة حتي تكحل عين عذالك

يقولو الناس بغيابي تشب القلب ويضويلك
حنيني ومن وهج شوقه يميل القلب لا مالك

قضى دمعي من عيوني أبي من عينك ابكيلك
ابنثر من ورى عيوني دموع عيون ترحالك

تعبت اهرب من الأشيا البسيطه من تفاصيلك
تعبت اسأل زوايا البيت عن اول واخر أحوالك

وحتى الشوق من صبح الدرايش قام يهديلك
عصافير الرضا ترفرف على بيبان مدخالك

هنا ترمي صباح الخير قبل لا تروح وأدعيلك
وهنا تضوي مساء الخير في عيني من هلالك

انا من الليل يقطفني شعوري لك واغنيلك
أنا من الصبح يليلني الحزن من لون موالك

حرام الليل ماهو ليل اذا ماكنت في ليلك
وحرام الصبح ماهو صبح اذا ما كنت بظلالك

تروح وقلت احط روحي على كفي واناديلك
نزعت العمر من شفت الغلا بالروح نادالك

بربك قول و ش سوى الفراق بوجه منديلك
تسيل الوان طيفي فيه الا من البكا سالك

حبيبي لا يبكيك الفراق ولا يهد حيلك
أخاف الدمع من عينك يجفف صورتي في بالك

تعال احتاج اسولف لك عن الايام و أشكيلك
وافض غيم الحزن و انثر حنين الشوق بأقبالك

تعال وحط في قلبي هموم الفرقا وأشيلك
لأن القلب ماهو قلب اذا في نبضه ماشالك

وقف دمعي من عيوني ابي من عينك ابكيلك
أخاف ابكي على طيفك وأبعثر صورة وصالك

حيرتني وش آختيآر وش آقتبس وش آعلق عليه
كل بيت آروع من آلثآني وربي قصيده مجنوووووووونه

تروقني ذآئقتكـ يآمبدع

بالفعل قصيده جميله ومعبره وراءعه من اولها لتاليها
مبدع اخوي الحريصي
لاعدمنا هذا الابداع في الفكر والقلم
اعجابي وتقييمي

دمعة أمل ..
تميم ..
شكراً لمروكم العاطر
على متصفحي الذي
اكتسى الجمال بمروركم
وأشرق بحروفكم ..
لا عدمت هذا التواجد الطيب
كل الود والتقدير لكم
ودمتم جميعاً بخير .

الحريصي ..