الدار موحش والزوايا حزينة

:

~..الدار موحش والزوايا حزينة
والباب والشباك في صمتها بوح..~

~..والسقف والجدران يذبح ونينه
صارت تهذري بيك ممرات وسطوح..~

~..واثاث صابه من غيابك غبينة
حتى الستاير هزها الشوق وتنوح..~

~..واغراض عافتها رفوف الخزينة
تفرقت بين المعاليق واللوح..~

~..تحفة صور حتى الهدايا الثمينة
متبعترة وتصيح والصوت مبحوح..~

~..كل الأماكن تسال تقول وينه
تبكي وخاطرها من البعد مجروح..~

~..حالي عقب فرقاك يازين شينة
مابيك تبطي ياهوى البال والروح..~

~..تكفى غيابك لاتطول سنينه
ماتدري اني في محبتك مشفوح..~

~..ارجع تراقلبي تزايد حنينه
والدمع من عيني على الخد مسفوح..~

~..الله يردك يافنار المدينة
ويشع نورك ياقمر كل مملوح..~

~..متى يديني تحتضنها يدينه
واشم عطر ينعش القلب ويفوح..~

كل الأماكن تسال تقول وينه
تبكي وخاطرها من البعد مجروح..~

اختيار روعة ياندي
يعطيك العافية ودمتِ بخير

اسعدني مرورك ام هتان
الف شكر ويعطيك العافية

اختيار رائع
يعطيك العافية ندى الجنوب

سلم الاختيار الراقي والذوق الرفيع
تسلمين ندى 🌹

ذوق وفن وابداع
صياغه ولا اروع
يسلموو ندا ع جميل انتقائاتك

معاد في وقت للحزن راح الوقت من تعدى عمره 35 سنه يحمد ربه ويمشي عدل لنا العمرينقص مايزيد حتى يقول احزن افرح كثير المستقبل قدامي جود نفسك وارجع الا ربك وترك عنك الحزن المدبلج

اسعدني مروركم الكريم

الف شكر ولن تفي

تقديري لكم جميعآ..