لاتكثر المدح في إللي مايحب الجميل

خميس يالبسي الضافي وسيفي الصقيل
أقبل وصاتي وخذ منها الكلام المليح

لاتكثر المدح في إللي مايحب الجميل
دور لمدحك رجالاً تستحق المديح

ياكم مدحنا من العالم وحجمه قليل
لكن قال ألمثل ماصح غير الصحيح

واحذر تماشي قليل الرشد وإلا البخيل
خلك بحالك وخل اهل الردى تستريح

خلك مع أهل الوفاء صادق وحذرى تميل
لاتكثر الهرج في المجلس وخلك صريح

والناس لاتسمع اسرارك وهرجاً هزيل
وإللي هرج معك بكره بالسراير يُبيح

وإحذر من أهل النمايم والضعيف الذليل
لاتستمع في سوالفهم وتصبح طريح

وابعد عن إللي علومه بين حطاً وشيل
ولاتسمع إللي بهرجه في المجالس قبيح

وإحذر وانا ابوك ذولا ماوراهم حصيل
وجنب عن أللاش وبخيلاً يمينه شحيح

ساير رجال الكرم والدين واخذ الخليل
وساير إللي على المنهاج علمه صحيح

والضيف إذا حل دارك صبح وإن كان ليل
قابل ورحّب وخل الصدر مجلس فسيح

قدم له الهيل والواجب وتمر النخيل
وأعطه من الهرج معسوله وخلك فصيح

وإذا طلب منك فزعه لاتقل مستحيل
أخبرك وافي ومن روساً تقاوي النطيح

وعن الكرم والجمايل لاتدور بديل
واحذر وانا ابوك لايسمع كلاماً(ن)جريح

واوصيك واوصيك وانا أبوك خلك ثقيل
ومالك ومال ألذي يكثر عليك النبيح

وإن جاء الخطاء من قريب الناس شُدّ الرحيل
وإصبر على غلطة الصاحِب وخلك سميح

وإذا أصبح أهل الوشايه بين قولاً وقيل
الباب قفل لحاجه لايجي منه ريح

واحرص ولاتاخذ الكلمه بليا دليل
ياجعل حظك مع اهل المعرفه مايطيح

إسمع بيوت الشعِرياجعل عمرك طويل
من شاعراً هاجسه بالقاف يقدح قديح

كلمات/ابوخالد

قصيدة جزلة جميلة ومعبره
تحمل بين طياتها نصائح ذهبيه
سلم منطوقك اخي ابو خالد وصح لسانك
ودمت بهذا التميز والإبداع
ولا هنت يا عزيزي.

المشاركة الأصلية كتبت بواسطة الحريصـي

قصيدة جزلة جميلة ومعبره
تحمل بين طياتها نصائح ذهبيه
سلم منطوقك اخي ابو خالد وصح لسانك
ودمت بهذا التميز والإبداع
ولا هنت يا عزيزي.

اخي/ الحريصي
مرحبا ملايين بوجودك المشرف وردك الجميل
وسلمت وسلم غاليك وبارك الله فيك
ولايحرمنا وجودك
وفقك الله وشاكر ومقدر لسموك هذا الحضور

كفو يا ابو خالد
كلام من ذهب فيه من الحكمة وعلوم المرجلة
ما يستحق الحفظ وليس القراءة فحسب
ابيات اعجبتني كثيرا
شكرا لروعة قلمك وفكرك الراقي

بوركت ي ابوخالد ع المنظومة الأكثر من رائعه
وصح الله لسانك وسلم البنان والفكر
وكل الشكر والتقدير والتقييم
..

المشاركة الأصلية كتبت بواسطة ابو فواز

كفو يا ابو خالد
كلام من ذهب فيه من الحكمة وعلوم المرجلة
ما يستحق الحفظ وليس القراءة فحسب
ابيات اعجبتني كثيرا
شكرا لروعة قلمك وفكرك الراقي

ماعليك زود اخي ابا فواز
ووجودك وردك وتشجيعك يزيدني فخراً وشرفاً
الله لايحرمنا طلتك وتواجدك الراقي
وشكراً لك من ألأعماق

المشاركة الأصلية كتبت بواسطة السفيره

بوركت ي ابوخالد ع المنظومة الأكثر من رائعه
وصح الله لسانك وسلم البنان والفكر
وكل الشكر والتقدير والتقييم
..

اختي السفيره
صح بدنك وشاكر لك وجودك وردك الراقي
بارك الله فيك ووفقك ودمت بخير