ياذهـب يالول يامرجان ياريح الفُـل

القصـايـد لوبغـيـت ابــدا بـهـا واتـغــزل
ماتوفـي نـور عينـي والحبـيـب الغـالـي

ودي اهـدي لـه جزيـل المفـرده واتمثـل
مير خايف تقصر الكلمـه وتشغـل بالـي

لو زعـل منـي غلاروحـي انـا مااتحمـل
وإن رضي هـذا منـاي وذا بعـد يحلالـي

دام راسـي فـي الوجـود الحـب مايتبـدل
والعـهـود موثـقـه يامـضـرب آلامـثـالـي

أنت حُبـي ياهـوى بالـي ويـا نعـم الخِـل
والقـلـوب تشابـهـت يـاطـيـب آلافـعـالـي

لك مكانه وسط قلبي مابهـا غيـرك حـل
وأنت غالي عند ابوخالد وراس المالـي

وأنت شوقي ياحبيبـي ياالمـلاك المُنـزل
إمتلكت الروح واخذيت الحشاء منزالي

والله إني في وصوفك ياالغضي متهـول
مـارأت عيـنـي شبيـهـك أول أولا تـالـي

وأنت مُتصـدّر ومابيـن العـذارى مُحتـل
الله اعـطـاك الجـمـال وبالحـسُـن قتـالـي

إنشغل فكـري وحتـى فـي المنـام أتخيـل
مايُفارقـنـي خـيـالـك يـاوسـيـع الـجـالـي

ياذهـب يـالـول يامـرجـان يـاريـح الـفُـل
كامل الأوصاف وألأخـلاق شانـك عالـي

والقمر لو شاهدك ياصاحِبي غاب وأفل
وأشهد إنك نلت تاج الزين دون إجدالي

ياجميـل الوصـف ياإللـي بالحـلا متكمـل
لجل عينك والله احذف غترتي وعقالـي

والقصيده قلتهـا فـي حضرتـك وتفضـل
وأنـت تستاهـل بيـوت الشعِروألأجزالـي

بقلم/ابوخالد