قصائد وطنيه حماسية

الشاعر /نايف العتيبي

حنـا سعودييـن والــــحـض راقــي
مانترك الـــــواجب ولو صار مـاصـار

.الــموت لو ماهـوب حلـو المذاقـي
يحلى لنـا لـــــثـار دخــان وأغـــبـار

ماندرق خــلـف النخـل والسواقـي
نـــقلط ليا أشتبت وراغن الابـصـار

مــــــدفـع ودبابـه وخـــوذه وواقــي
والاسلحه باانواعها اكـــبار واصـغار

جيش ٍ لجا وقت الـــملاقى تلاقي
ان ماتو اشهيدين وان عاشوا احرار

دون الوطن نبـى نسـل السناقـي
ماهـــــمنا لو راحت امـوال وأعمـار









عايض المعاوي

يا نايف أبشر بالسيوف الرقاقي
نبتربها روس الصعاليك الأشرار

حان الوعد والروس جها الحلاقي
روس ٍ نمرغها ونلحق بــها العار

بالنار والبارود نــــــحرق حراقي
من تحتهم من فوقهم لغمنا ثار

نحرق هل التضليل واهل النفاقي
حـــــــوثية ٍ للعهد والدين فجار

وحــــنا سعوديين وقت التلاقي
الــــموت سنه والمعارك لنا كار

عـــــــهد ٍ علينا مانفك الوثاقي
الا نـــــــجدد عهدنا صغار واكبار