مدونة أبو مسلم (قصص وقصائد ونوادر وفوائد)

يالله يا منشي حـقـــوق الخـــــيـــــالي = يا آمــــــــر خــــلقه لبيتـه يحجـــون


عفوك و عطفك يا عزيز الــجــلالي = ياللي عبـــادك عند بيتك يطــوفون


شكواي لله و استعينه لـــــحـــــالي = عســــى لنا حـــظ مع اللي يعتقون


يالله دخيلك لا تقصـــــر حــــبـــــــالي = يوم الحســاب و لك ايديهم يمــــدون


وابذكر الله فــي نصيحة عــــــيـــــالي = لعلهـــــــــم في طاعــــة الله يمشون


ابزهم الاقصين و انخى المــــــــــوالي = اكودهم عن غفلة القلب يصحـــــون


ماهو بنوم دايما واكل حـــــــــــــــالي = واذنـــاب خــرفان علــيــها يعزمون


ارجع لربـــك وازبنه لا تـــــــمــــالي = عـــن ساعة فيها الخلايق يضيعـون


لابد من يوم وراه الـــــــــهـــــــوالي = علــى الســـراط وكلبوهم يحاشــون


والاوله بالمرجــله لا تـــــــــــمــــالي = من عـاش بالدنيا ترا الرزق مضمون


ما يغني الرجال حفظ الحــــــــــــلالي = ولا فقــروا اللي بالصخا ما يصــدون


اجلك ورزك معتن فـــــيــــــــه والي = حــــظك يساعدلك وذولاك يشــقون


وعليك بالعليا بحق الـــــــرجــــــالي = إليا جو مســــايير لبابـــك يطقـــون


اللي يبا الطوله يذب الـــــــعـــــوالي = يــــصبر على الشــداة ما يتبع الهون


وإن جاك مضهود يدينه خــــــــوالي = وكدايمه في ما مـــضى دون في دون


ارفع حجاجك للرفيق الــــمـــــــوالي = وادمـــح له الزله ومافــــات مدفــون


لابد ما تصفق هبوب الشــــــمـــالي = إمــــــــا ذرا و إلا وراك يــتـــــذرون


وترا الثلاث البيض عز الرجــــــالي = إن كـــانكم في ســـلم الاجواد تدرون


والضيف باشرله بقدر وجــــــلالـي = ومـما تحوش وتـــاجــده لا تـــــردون


تــراه ســــتر لك وضـــــراب فالي = واللي يـواجه مــنــك لازم يــقــولــون


واحشم خويك واكرمه لا تــمــــالي = ترا الــخوي عنــــد الاجاويد مضمون


والجار حقه في طويل الــــــعــوالي = لابد مــــا يــرحـــل وبالـخير يثنــون


ومن طق كلب الجار مدرك جمـالي = وبكوة غـــرير الــجار فيها يسبـــون


واحذر من المنزوع ؟؟؟ الرجـــــالي = إليـــا بليــــت إباليه عـــــنـك يقفون


رافق رجال ينطحون الثـــــــقــــالي = إليا عمست الابصار دونك يحامــون


وإلا حــــتـــات الناس حفاظ مالــي = لانافع ربــــعـــه ولا عنـه يـــــدرون


اتبع سلوم مــــــــكــــرمين السبالي = اللي على الشــطـات ما يتبع الـهـون