وين المحبه والامان..؟

ليه الوفا?
في دنيا مافيها وفا..؟
في دنيا ما فيها صفا
غير الخيانه والجفا..!!
:
وين العطا وين الحنان؟
وين المحبه والامان..؟
وينك يا ذاك المكان؟
ياللاسف انه أختفى..!
:
ليه الخيانه في النفوس...؟
ليه القوي دايم يدوس ..؟
وليه الفقر وجهه عبوووووووس!!
وما أعظمه اللي خفا
:
وليه الظلم صاير كثير...؟
وليه البرد ما به دفا.؟
:
ليه المصالح في الصديق
وليه الصدق ماله رفيق
حتى الطريق دايم يضيق
وليه الوفا فينا أنطفى ..؟
:
ليه الكلام ليه الجروح ..؟
نجرح بعضنا في وضوح
وتنهدم فينا الصروح
ونِدِّعي انه أختفى!
:
ليه الثمن ؟
كل شئْ صاير بالثمن ؟
حتى الزمن ..
ياخذ ثمن .. (عمرك ثمن) !
ياخذ ولا عمره أكتفى ..!
:
للأسف هذي الحقيقه
كل واحد في طريقه
ويطلع على أكتافه رفيقه

وتندثر كلمة وفاء !
:
ونبقى دايم ضايعين !
في هاليتامى طامعين
ونقول يالله يامعين
وللايادي رافعين !
إقبل دعانا في الخفا ..
:
ونموت وإحنا بلا عمل !
ونقول ويش اللي حصل !
اللي حصل مات الأمل
وياللاسف مااااات الوفاء !!