تبي بنت وانا بعد ابي رجال

تبي بنت . . . ؟!!
وأنآ مثلك أبي رجال . . .
" يشد حبال ظهري إليآ البخت خانه "



تبي بنت . . . ؟!!
شعرها ليل وعين كنهآ الفنجال
وقد أهيف ميال . . .
وأنآ مثلك أبي رجال . . .
قليل أقوآل
وإذا ينطق " يقطر حكمه لسانه "
أبيه أفعال وأفعاله تتم بليل كتمانه . . .


تبي بنت . . . ؟!!
وأنآ مثلك أبي رجال . . .
ماهو تمثال مكون من شنب وعقال . . .
وثوب يسحبه خلفه . . . عجز في كيه الغسال . . .
آبي رجال . . .
له مبداء ~
له أفكآر تلخبطني ~
وضلعي الأعوج إليا مال يعرف شلون يظبطني . . .
آبي رجال . . .
لآ شفته تذكرت العظيم الله . . .
وتذكرت النار والجنه . . .
أبي لي شاعر عذري ~
له إحساس يغرقني ~
وهم به يأرقني شعور الشخص في عينه ~
أبي رجال . . .
ماهو شاطئ ولا رمال . . .
ولا بزنس ولا ريال . . .
ولكنه ~
في هموم أمه . . .
وكيف نربي الأجيال . . .
نخلي بنتنا إنثى ~
ونخلق في الولد رجال ~

تبي بنت . . . ؟!!
وأنا مثلك آبي رجال . . .
يشد حبال ظهري إليا البخت خانه . . .


🌹🌹🌹

حق شرعي وللبنت مثل الرجل في ان تنظر لمن سيشاركها قادم حياتها نظره ترضيها وتكون ع مستوى
رااائعه كبرياء موضوع في غاية الجمال
يسلموو ولاعدمناك

جذبني العنوان لادخل اجول بين ثنايا حروفك
ابدعت اختي عبارات قويه تتقاسم رغبات كل من الرجل والمرأه على حد سواء
شكرا لك

حضور جميل..


يعطيكم العافية..