مادام انا وياك خلف الكواليس

ماغير انا وياك والثالث ابليس
وش تنتظر لا صار معنا شياطين

اما دخلنا بالهوى فالدهاليس
والا طلعنا من لقانا مجانين

نتبادل النظره لفحص المقاييس
وفي كل نظره للمحبه عناوين

الشوق زايد والمشاعر محابيس
حتى وحنا بالوصال متفانين

مادام انا وياك خلف الكواليس
بعطيك عن صادق غرامي براهين

حلمٍ حلمته حلم ماهو كوابيس
اني انا وياك بالود صافين

يافاتني مالك ومال الوساويس
كل الذي حولك بالاشواق لاهين

مصيبة الشعار في عرش بلقيس
يبنون من طوب المشاعر دكاكين

القاف خاوي والمعاني مفاليس
ماتنقري لو جمعت في دواوين

راحت قصايدهم بوسط القراطيس
ولا قراها ربع روضه ودارين

وانا قصيدي في وصوفك نواميس
لجل ان حسنك للقوافي نياشين

استغفر الله واتعوذ من ابليس
اظن لاشفتك تغيب الشياطين

(( مما راق لي ))

تروق لي انتقاءاتك راعي الفزعة
كل الشكر لجمال الذائقة

بل يروقني مرورك بـ متصفحي
شكراً لـ كرمك
دمتِ بـ سعادة