قصيدة من أجمل ما سمعت ( على الله يازمن بشكي |( جروحي )| والليالي طـوال)

قصيدة من أجمل ما سمعت ( على الله يازمن بشكي |( جروحي )| والليالي طـوال)


على الله يازمن بشكي |( جروحي )| والليالي طـوال


عسى راعي العنا ينسى عناه وينشـرح |( صـدره )|


على الله |( يازمن )| بشكي همومي والهمـوم جبـال


تعدّت عاصمة حزنـي |( حـدود )| العالـم بأسـره


|(خساره )| يالسنين اللي كتبتـي سيـرة الرحـال


فرحت امس وحزنت اليوم بس الخوف|( مــن )| بكره


لساني كم شكى صمته والى|( منّه)| حكى ماقـال!


طغى |(طبع)| السكوت بسيرة المحروم من صغـره


سقى الله يوم كنت اضحك|( وبالي )| مستريح البال!


|( ضحوكٍ )| ماعرفت الحزن وش معناه وش قـدره؟



|( وكبرت )| وكبرت احلامي وصارت قصة الترحال


اماني في مهب الريح وحلـمٍ ماكتمـل |( بـدره )|


بعذر اللي مع ايامه جلس|( يبكي )| على الاطـلال


تذكر ماضـي افراحـه|( اليـن )| خنقتـه العبـره


عزيزه |( يالعيون )| اللي حضنتـي دمعـة الرجّـال


حبستي دمعته بين المحاجر|( يـوم )| ضـاع امـره


|( عزيزه )| يالحروف اللي سكتـي والكـلام يقـال


حكيتي.. ماشكيتي الهمّ|( وهمّ )| القلـب ياكبـره


|( عزيزه )| ياليدين اللي ثنيتك باصعـب الاحـوال


اكفّك ساعة الحاجه وامدّك |( ساعـة )| القـدره‍!


|( وعزيز )| النفس لو يصبر على صبر الليالـي نـال


ابصبر |( والرجل )| يصبر ومقياس الرجـل صبـره


انا منهو حمل همّه على راسـه تقـول|( عقـال )|!


مجاديف الزمن دارت عليه|( ونَسّـف الغتـره )|!!


وانا|( منهو )| فقد صوته وبعض الصوت بـه مـازال


دعيـت الله يفرّجهـا|( علـيّ )| وبحَّـت النبـره


أشيل الحمل عن غيري وحملي صـار|( ماينشـال )|


كما |( الشيخ )| الهزيل اللي مشيبـه منقـضٍ ظهـره


جروحي مزنةٍ منها|( هطل )| فيض الشعـر همّـال


سقت جدب|( العروق )| اللي تبلل ريقهـا قطـره


وعن حر الزمن صارت حروفي للجروح|( ظـلال )|


تذرّت عن|( هبوب )| الياس حلمٍ قد بنـى قصـره


عساها للمطر|( روحٍ )| بها وادي الظمـا ماسـال


عروق سنينها جفّت وورّاهـا الزمـن |( غـدره )| \


عساها للمطر|( روحٍ )| قضـى مرباعهـا ماطـال


|( كــساها )| ثوبها الاصفر.. وكانت تلبس الخضـره


على الله ينجلي وقتٍ قضيتـه هـمٍ |( و )| غربـال


ويشعّ النور|( في )| قلبٍ غشى ليل الظَلَـم فجـره


على الله والولي الله وبامـر|( الله )| يزيـن الحـال


ويضحك للزمن|( قلبٍ )| مع همومه قضى عمـره..

قصدية جميلة ورائعة ويبدو أنها للشاعر عبدالله بن عميرة ..

شكرا أبومسلم

قصيدة جميلة جدا

سلمت يداك ابو مسلم لاعدمنا جديدك

مفرح التليدي

طرحك جداً جداً رائع

الله يعطيكـِ العافيه يارب

خالص مودتى لكـِ

وتقبل ودي واحترامي

قصيدة رآئعة

سلم يمناك أخي مفرح

لروعة نقلها

تقديري

أخواني وأخواتي شرفني مروركم ...


وأسعدني تواجدكم... وراق لي تعليقكم ...


وفقكم الله لكل خير ... وحفظكم من كل شر ....وزادكم من فضله العميم ...