الكون موحش والزمن فاقد إحساس

الكون موحش والزمن فاقد إحساس..

والهم ينســج مــن خيالـــــــي قصيده..

أكتب همومــــــي بالقلم فوق قرطاس..

وأرسم معاناة الجـــــــــروح الجديده..

القلب وش خلاه مخنـــــــوق الأنفاس..

بين الضلـوع العوج ينـــــــزف وريده..

الا الفــراق وغـــــربة النــــاس للناس..

وبعض السوالــــــف والعلوم المكيده..

ياقلــب لاتحــــــــزن ولا يغلبك ياس..

إرتاح و إستبشــــــــر بلحظه سعيده..

أقولها ياقـــــلب لا بـــــــــاس لا باس ..

لاتقهرك ســـــــود الليالـــــي العنيده ..

اللي ذكر طيبي على العيـــن والراس..

واللي تجاهلني تجاهلـــــــت سيــــــده..

ماهمني من باعنـــــــي دون مقيـــاس..

عزيت نفســـي والأمانـــــــــي بعيده ..

أنا كذا طبعــــي مع كــل الأجنــــاس..

القلب عزيتـــــه و شديــــت قيـــــــده..

حوله من الأضــــــــلاع حطيت حراس..

تحميه من غدر الليالـــــــــي الشديده..

اللي يذوق الغدر صافــــي من الكاس..

لابــــد يتعلم و علمــــــه يفيـــــــــده ..
ضويت لي في ســــود الأيام نبراس..

يهدي حياتي للــــــدروب الرشيده..

محشوم فكري عن تفاكيــــر الأدناس..

نفسي عن الهفوات دايـــم زهيـــــــده..

واللي يحاول يسرق اللولو والألمـــــــاس..

ماطالته عينه ولاطالــــــته إيـــــــــده ..

يبطي ويشهر للبشر ذل الأفـــــــــلاس..

لابدد أمواله بيفلـــــــس رصيـــــــــده ..

ماكل صيد يجيبه الحــــر قرنــــــــاس ..

يموت بالرمضا ولاهـــــو يصيــــــــده..

واللي يحاول يكسر الراس بالفـــــــــاس..

مثل الذي بيده يكســــر حديـــــــــده..

كتبتها جمله أنا بيـــــن الأقـــــــــواس..

(لاتقرب النيران جسمك تبيـــــــــده)..

أعوذ بالرحمن من كـــل خنـــــــــاس ..

من الوساوس والحياة البليـــــــــده ..

ياوجد حالي كل ماهب نسنـــــــــاس ..

سافرت بافكاري لدنيــــا بعيـــــــــده ..

أتذكر اللي غاب من خيرة النـــــــاس..

اللي وصوفه في خيالي فريـــــــــــده..

محشوم وافي طيب العرق والســــاس..

بين البشــر مافيه شخص نديــــده ..

نسله من الأحرار والعرق دســـــــاس..

غيب عن عيوني بساعــــه نكيـــــــــده ..

الله يكسي جسمه الغض بلبـــــــــاس..

من سندس الفردوس حله جديـــــــده..

بصبر على فرقاهم والقلب حســـــــــاس..

حياتنا ماجت علــــــى ما نريـــــــــده


راقت لي

اخي مراسل وادي دفا ..
مميز دائماً ورائع احساسك الذي يقطف اجمل الزهور
وينثر ارقى العطور .
شكراً لك ولمشاعرك الجميله لتي جلبت لنا
هذا النص الجميل ..
وقد راقت لي هذه القصيدة كما راقت لك.

لك ارق واعذب تحياتي
ودمت بكل خير

الحريصي..

راق لي ما راق لك يابونايف

قصيدة رائعة وأنت لا تأتي إلا بالروائع

بارك الله فيك

قصيدة رائعة بمعنى الكلمة ولكن الاروع من اتى بها الينا هنا شكرا لك مراسل وادي دفا على روعة انتقائك

قصيدة رائعة وفي قمة الجمال
كالعادة مراسل انت قلب الابداع
لا تنبض الا بكل جميل ورائع

دمت بخير

الحريصي
راعي الفزعه
ابو فيصل
بنت خولان

الذوق والجمال كله في طلتكم البهيه والتعليق

اشكركم من الاعماق

راق لي ما راق لك ابا نايف

~

ابيات تشرق في علياء الجمال رغم المها
جعل الامل بالفرح يخاوي طريقكك
..
ابيات بسطورها راقت لنا
وراق لنا المكوث بين طياتها
تقديري والتبجيل
...

راق لي ماراق لك ي الطيب

مداد الشكر ع ما جلبت

أقولها ياقـــــلب لا بـــــــــاس لا باس ..

لاتقهرك ســـــــود الليالـــــي العنيده ..

اللي ذكر طيبي على العيـــن والراس..

واللي تجاهلني تجاهلـــــــت سيــــــده..

ذائقة مترفة تعانق النجوم
شكرا اخي مراسل