إن كان حبك غلط.. ياحلو غلطاتي..

أسعد الله جميع أوقاتكم بالحب والسعاده..

قصيده رائعه للشاعر الجميل /سعيد بن مانع القحطاني..


أترككم مع القصيده ..





من قيض دنياي جيت أدوّر ظلالك
وأرتاح من عقب ماأشقتني مسافاتي



هالك وضامي مشاعر والبدن هالك
يايبس ريق الخفوق .. وقل حيلاتي





واللي جعلني بلا تفكير أسعى لك
أني لأحسدك في صبرك بغيباتي



ياقو قلبك .. أقل القول : وش حالك؟
شحيّت .. وش عاد لوني قلتلك تاتي



هبتني أشواق لك .. وأرسيت في جالك
وبالفعل الأشواق تجري عكس مشهاتي



لوهو بيديني أبد والله ماأعنا لك
لكن شوقي فضح قلبي بنظراتي



جيتك مجمّع حكي من يوم ترحالك
وصوّخ اذانك لصوتي وإسمع الآتي




ماأبدن سئمتك .. ولا ببدل إبدالك
به حي قد قال لك سئمت نبضاتي ؟



نعم أحبك .. ولا عليّ بإهمالك
وإن كان حبك غلط .. ياحلو غلطاتي



هذا أنا ياحبيبي .. بآأترضا لك
من يوم قفيت .. وانا العله بذاتي



قفيت بلحالك ..؟ابدا" ماأنت بلحالك
خاوتك فرحة خفوقي وإبتساماتي ..

قصيدة رائعة
لذائقتك العذبة كبرياء باقة بنفسج

جميل ما جلبته ذائقتكِ يا كبرياء ..
قصيده جميله جداً الله يعطيكِ العافيه
وسلمت الذائقة الفريدة يا كبرياء .

تليديه ......الحريصي...
مرور عطر منكم عطر صفحتي بـ قلمكم الذهبي ..
خالص شكري وتقديري لأرواحكم النقية..

رائعه كبرياء بكل ما تختارين لنا
وفقك المولى وأنار قلبك
لك شكري وتقديري

يعطيك العافية على مرورك الجميل..
خالص شكري وتقديري لك غاليتي..