آآآآهـ ياااكبر القهر ...؟

آآهـ يا كبر القهر لا صار ما باليد حيله..
والجروح من(( القــرايب )) والخطا مني وفيني!!

ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنه يميني؟!


وان نوت تبكي عيوني صارت(( الدمعــهـ )) بخيله!!
كبرها لامن تجمـــع هم قلبـــي وهم عيــني..


ياهمـــوماً بي تعدت حدهـا صارت ثقيلــهـ ..
اخذي مني كم ســؤال و لو سمــحتي جاوبيني..


ليه من بعد ((الوفـــا والطيــب)) وفعولاً جليلهـ ..
من يدين اللي حشمتهـ اول طعـــوني تجيني؟؟


وليه لاضاق الفضــا في عيــن من خانه دخيلهـ ..
مالقيت الا ((المــلامهـ)) انتهيها وتبتديني؟!


ياهمومي ياجــروحي يا صدى الروح العليلهـ ..
والله ان الـــظــلم قهره قيّد لسانـــي ويديني!!


يوم قيل ناظر حسودك زاد في قوله وقيلهـ ..
ما طــرالي غير قولت آآآخ يا دنيــا ارحميني..


ان تكلمت وحـــكيت وجبت برهاني ودليلهـ ..
ما تضــرر كود منهو قد لفانــي منتخيني!!


وان سكــت وقلت هانــت هــم وسنيني تزيلهـ ..
اكتشفت ان ((السنين)) تزول والهم محتويني!!


بس لجــل اللي انتخى في جد جــدي والقبيلهـ ..
والله اني لاشــرب المــر واتحــمل ما يجيني..


ودام ما بالكــون ((صــدراً)) ارتمي به واشتكــيلهـ ..
ودام مابــه عين تقـــرى حزني اللي مبتليني!!


ما لي الا بيت شـــعراً اذكــره في كل ليلهـ ..
لا انتهى جـــدال المعاتــب بين قلبي وبين عيني..

صح الله لسانك ولسان قايلها ان كانت لغيرك
جميل ورائع وكلمات في ثنياها الكثير
سلمت ع اتحافك الجميل امير الهوى

صح لسان القائل وسلمت يمين الأمير..
قصيده جزله رغم حزنها العميق..
الذي تمثل في الخذلان والشوق القاتل..
أهنيك بصراحه ع ذائقتك..
ان كانت بداياتك بهذا الجمال فكلي ثقه..
بأن تكون نجماً لايشق لك غبار في صرحنا..
أهلاً بك في معقل آل تليد..
تقبل مروري..

قصيدة جزلة فيها الكثير من البلاغة
والمعاني المؤلمة
هذي جدا صعبة
آآهـ يا كبر القهر لا صار ما باليد حيله..
والجروح من(( القــرايب )) والخطا مني وفيني!!

ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنه يميني؟!

صح لسان شاعرها وسلمت يمينك على النقل الراقي

صح لسانك ولسان قائلها
قصيده جميله
سلمت اخي ونترقب لجديدك بكل شوق

لكل من مر من هناااا ونفث عبق أنفاااسهـ
ب شذى الجوووري أجمل الورد وأرق الود

دمتم بكل مودهـ ....

ليه من بعد ((الوفـــا والطيــب)) وفعولاً جليلهـ ..
من يدين اللي حشمتهـ اول طعـــوني تجيني؟؟

امير الهوى
انتقاء رائع اجبرني على المكوث طويلا
هنا شدتني الابيات الجميله والتي تم اختارها
باحساس مرهف .
لك مع شكري اعجابي ونجومي
دمت ودام عطائك الرائع