كما تدين تدآن !

أنا أعمل ممرضه منتدبه في دار المسنين في حائل ازورهم مرتين في الاسبوع
واعمل فحوصات دوريه لكبار السن ،، لكن دايم يشدني منظر امرأه لا تتجاوز عمرها 45 او 50 غريبه جدا
لا تجتمع مع أحد وكلما أزورهم اجدها في غرفتها محافظه على رونقها ودايم أراها تتجمل يعني ليست مثل باقي الكبيرات
كل اسبوع يمر يزداد فضولي فكانت لا تجيب على اي أسئله فكل اسبوع احاول أتكلم معها لكن لا تشتكي لي مثل باقي الأمهات
وحتى جاء ذاك اليوم وسألتها اعذريني لكن ليه ماتتجاوبين مع احد في الدار اعتبريني مثل ابنتك
وطلعي اللي في قلبك ناظرت فيني نظره مليئه
بالدموع وكلام كثير في عيونها ، صمتت تقريبا خمس دقايق وهي واضح عليها ان شخصيتها قويه لكن ناظرت فيني
قالت بقولك ليش انا هنا
قلت صراحه ودي اعرف فضول لان الجميع هنا يشتكي الا انتي

قالت أنا لي اربع سنوات في هذا الدار رزقني الله ب ابن واحد متفوق دراسيا
توفي أبوه وهو في الثانوي وأكمل دراسته الان موجود هو في أمريكا متزوج ولديه بنت
أكمل دراسته في الجامعه ولتفوقه سافر بعثه لتكملة الماجستير والدكتوراه وكنا نسكن شقه وزوجته معنا فكانت تتضايق كثيرا لوجودي معهم
فصدمت يوم انتهى من أوراق الابتعاث جاء قالي يمه تراني مسافر ويمكن تطول سفرتي سبع سنوات لكن انتي شوفي احد من اخوالي تجلسين
عنده وانا أجيكم كل فتره انقهرت انه بيتركني
قلت لا اروح دار المسنين ولا اروح عاله عند احد
انصدمت بعد يوم قالي سوي اللي يريحك يمه
قلت يمكن قال لا الا امي اخلي دراستي ولا أخليك
وقتها دارت فيني الدنيا وتذكرت اللي كنت اسويه
بخالتي قبل سنين وسنين.
ناظرت فيني قالت: والله أنا استاهل اللي صار لي .
كنت احرم زوجي يجلس جلسه الام بولدها
اختلق المشاكل بينهم كانت ساكنه في الدور الثاني وكان زوجي دايم يحرص علي اني اخلص غداي واذا جا من الدوام
اطلعه فوق عشان نتغدى مع بعض لكن كنت اطلع أعطيها غداها وعشاها بدري عشان نأكل تحت من دونها وكان زوجي
دايم يعاتبها يقول يمه ليه ماتتغدين معنا تقوله وانا امك انا اجوع وانت تتأخر وكانت رحمة الله عليها لا تشتكي أبدا لولدها وكنت
اجرحها كثيرا ، والله انها كانت تبكي وكانت تقول الدنيا دواره وأنا خالتك وتعطيني هذيك النظره بصمت وتهز رأسها والله ماأنسى
نظرتها ماحييت لكن ماكنت التفت لها
والله ظلمتها كثير لكن مدري هي سامحتني
وألا ماسامحتني جتها جلطه ودخلت غيبوبه وماتت وانا ماطلبتها تسامحني ....
هذا انا الحين ربي يجازيني
بكل اللي سويته فيها بالدنيا ومدري كيف عقابي بالآخرة
ولدي يكلمني بس بالأعياد يمكن أموت ماخلصت السبع سنوات ويمكن ارجع اسكن معهم وزوجته ماتراعيني لكن الله يسامحني
بكت كثييير وقالت الله يسامحني
سلمت على رأسها وقلت ياخاله يمكن سامحتك تصدقي على نيتها قالت ماأظن انها سامحتني
سويت فيها العجايب
فعلآ كماتدين تدان فكلما أمرتكم أنفسكم بالسوء
وعقوق والدينكم ووالدي أزواجكم تذكروا انه بتلقون كل شي فعلتوه سواء كان خير او شر..

منقول.

الدنيا قرضه ودين وبئس للمرأه التي تكره ام زوجها وبئس ثم بئس ثم بئس للرجل الذي يطاوع امرأته ..

شكرا لكي ايتها الحره قصه محزنه والله

مأآسي وقصص نسمع بها عن قضايا العقوق تستحق الاعتبار بها
يعطيك العافيه الحره ع هذا الطرح

يعطيك العافية بوركتي ي الحرة
كل الشكر ع انتقائك.

شكرا لكم اخواني على المرور الآلق..
حقيقة خلف الآسوآر قصص ومآسي يندى لها الجبين!!
اي زوج هذا الي يطيع زوجته في آمه هذا انسان عاق ومايبيله الا نار تنشب وينرمي فيها .. الله لايبلانا
واصلآ مافيه زوجة آصيلة ومتربية تعادي
ام زوجها بهذا الشكل المخزي ، ؟!
الله يصلح نياتنا وذرياتنا ويقدرنا على صنع المعروف ..

العفو اخي تليدي ويآهلآ بك .