لوهي على الناس

خل السوالف أنامشتاق لعيونك"
عجل وشفلك طريقه نلتقي فيها"


إترك هلا بك ¤ وكيف الحال وشلونك
لا تنشدني عن الحال وأنت مشقيها!


لاتخلي الشوق يذبح حال مجنونك.."
لاجتك فرصه طلبتك لاتعديها"


إذا أنت عايش أنا ماأعيش من دونك
العيشه اللي على هالحال"ماأبيها"


من زود حبك أحب اللي يحبونك"
‏وأنت مدري ليه عيوني ماتراعيها!


لوهي على الناس كل الناس يفدونك
وأنا حياتي ...فدا لعيون.... غاليها"


اسألك بالله ترفق بي على هونك"
مافي داعي معك حالي تعنيها"


لو فتشوا عنك وسط الروح يلقونك"
كنك مع الروح ياعمري مخاويها"


لوطالعوني على غفله "يشوفونك"
أغلب أوقاتك بوسط العين تقضيها"


دامك معي ياحبيبي لا يهمونك~
لا يابعد أول.... الدنيا.. وتاليها"

عيني وقلبي من اللهفه ينادونك"
عجل وشفلك طريقه نلتقي فيها..