قصيدة (هـي ديــرة فــــوق الثــريا ثــراها)

هي ديرة فوق الثريا ثراها



هـي ديــرة فــــوق الثــريا ثــراها
شـــهب النجـــوم ترومهـــا ما تصلها

اغــلى من الألمــاس واثمن حصــاهــا
في اطهـــر بقاع الأرض ربي جعلهـــا

يزيــد دايــم حـبهــا من عضــاهــا
منــزالهــا غالــي على مــن وصلهــا

اطــلالهــا ذكــرى ويشــهد بنــاهــا
بامجــــاد تاريخ يســـجل لهـــلهــا

ورجــالها عــزوه لمن هــو نصــاهــا
افعــالهم يشــهد لــها من نقــلهــا

بالفــل والريحــان تزهـر ربـاهــا
والنخــل واليمــون ينبت ســهلهــا

زهــر الخــزاما مختلط مع هــواهــا
حــرك شــجون العشــق ريحــة نفلهــا

ينبـع فـرات الماء عـذا من صفــاهـا
الــذ من شــهد الوقــاب وعســـلهــا

كم اروت العطشـــان من عــذب ماهــا
وكــم اطعمــت جيعان تمرة نخــلهــا

حــط الكــرم في ارضهــا من ســـماهـا
صـار الكــرم نابت شـــجر من جبــلهــا

احـبــــها ما احـــب دار ســــــواهــا
احبــها ليــن الــروح يقـضي اجــلهــا

عبد المحسـن الحـربي

ياسلام عليك يالغلا ابدعت لاهنت ابياااااات راقت لي

تحيااااااااتي لك ويعطيك العافيه

ابو مسلم

كلمات في قمة الروعه
يعطيكـ العافيه ع طرحكـ المتميز دوما
ننتظر جديدكـ ..

شكرا لك من الاعماق على المشاركة الرائعة


عميييييق وووودي وتقديري


الهوووووووووووووووووووووووى

أخواني

شرفني مروركم

وأسعدني تواجدكم

وأبهجتني مشاركاتكم

وفقكم الله واسعد قلوبكم