يـ صغيري لا تضيعني بـ نظرات البراءة

يا صغير لا تضيعني بنظرات البراءه
وانت ما تعرف مدى تأثير نظراتك بحالي

اه يالبيه يا بشويش يا هد الإضاءه
للجفول اللي من جفاله يجفلني ظلالي

فز باسم الله عليك من المبرة للإساءة
وارقد امن في عيوني واسهر امن في خيالي

يا صغير والذكي مثلي ليا خانه ذكاءه
ماله إلا يعشقك ويصير لعيونك شمالي

قم فديتك وانت حر من الف باءه لين ياءه
ما عطاك الا الله اسرف واستبيح ولا تبالي

سو ما يرضي غرورك وإد ما تهوى أداءه
الحشا لك بيت حاتم وانت غالي عند غالي

قم تمخطر في الحشا وانسى الكتابة والقراءة
وحل واجب شاعر ما حلته سود الليالي

وعلمه وشلون تتعدي على خط استواءه
وعلمه وشلون كيف وهل يضيعون الرجالي

وكيف يجني خلف سور الجامعة ذنب الكفاءة
ساعة نادى ابليس وقال له مالك ومالي

وأنا يشفع لك صغر سنك ونظرات البراءة
بري حالي كل مالديت يمي بري حالي

قم فديتك وانت حر من ألف باءه لين يـاءه
ما عطاك الا الله اسرف واستبيح ولا تبالي



قصيدة جميله جداً ..
صح لسان الشاعر ضيدان بن قضعان
وسلمت الذائقة الأنيقه يا ندى
دمتِ بخير ودام حضوركِ الراقي

جميل اختي يسلمووو

كلمات رائعه ومميزه
صح لسان شاعرها
وسلمت يمناك على ألأختيار
ويعطيك ألعافية
نتظر جديدك بكل شوق
شكراً

ذائقه شعريه مميزه
سلمتِ على روعه طرحك
نترقب المزيد من جديدك الرائع
دمتِ ودام لنا روعه مواضيعك
تقيمي + خمس نجوم

اهلين بيكم جميعا
مشكورين لا خلا