لاضاق صدري رحت للبر حطّــآب

لا ضاق صدري رحت للبر حطاب
وشبيت ناري في صحاري خلاها
وسط الفياض اللي بها أزهار وأعشاب
ريح الخزامى فايح(ن) في مساهاا
سترجع الذكرى على رأس مرقاب
وأرسم لقلبي صورة(ن) ما نساها
دنياك تلبس لك عبايه وجلباب
وتخفي غدر سود الليال وجفاها
شفت القمر يوم اكتمل صار جذآب
نور ليال(ن) مظلمه في سماها
ترى العمر مثل القمر طل ثم غاب
أغنم حياتك لا تكدر صفاها
حافظ على الطاعه قبل يقفل الباب
ثم يتبين صحها من خطاها
اليوم فعل الطيب راعيه ما خاب
عند الرجال اللي بعيد(ن) مداها
الطيب يبقى يا فتى الجود لو شاب
في شجرة(ن) سيل المكارم سقاها
والبيت ما يبنى بلا أوتاد وأطناب
ومن لا بنى يسكن مذاري هواها

لا ضاق صدري رحت للبر حطاب
وشبيت ناري في صحاري خلاها

صح لسان الشاعر
وسلمت يمين الناقل
قصيدة رائعة جدا
لك شكري وتقديري

ابو رنا


تقبل تحياتي

قصيده رائعه
يسلمو

ابوفواز
اميره
كيووت
شكراًلكم
نورتم صفحتي