الليالي سرمدية . والعنـاء دربـه طويـل
والأمل حافي وظامي شمس قيضه تلهبـه
يافهد قلبي يعاني . صارت رياضه محيـل
من علوم ٍ هايفـاتٍ مسمـلاتٍ . مجدبـه
كلّ ماقلنا مهودٍ . ياعسـى باكـر جميـل
صار باكر مهمهية . لامسه الماضي شبـه
لاوفاء يوضي فناره .من عناء يقفاه ليـل
لاصدق يبني صداقه من صفاها . مطربـه
كلّ ماقلنا الصراحـه ..! مالقينالـه قبيـل
كلّ سطر ٍ في حياتي .. أكتبه ثم اشطبـه
من لبس كعب وتطااول.لازم بمشيه يميـل
السنود اللي بدربه.. بالظهر مثـل احدبـه
ومن رقى باكتاف غيره مادرى بقصرالشليل
يختفي وقت المزاحم في غبـاااار الأتربـه
يابوناصر لاتلومن ! دامني ماسمع صهيل
والحقوق اللي من الله.. كم لص ٍ يسلبـه
وانت شيخ ٍ من شيوخٍ ورّثوا للمجد جيـل
الثقايل ترتكي لـه. . والمعالـي مطلبـه
لك مخابر يالنداوي.. ريح بن وريح هيـل
البشر فرق المعادن. وانت يالفهـد ذهبـه
طاب فالك يالسنافي .يالقـراح السلسبيـل
كلّ درب ٍ للمراجـل . تمتطيـه وتطربـه
| منقووووووووووووووووووووووووووووووووووووووووووووووو ووووووووووووووووووووووووووووووول |