انتي بلا مكياج خلقة تذبحين ..

؛


حلفتك الله لا بغيتي تطلعين
لا تطلعين أرجوك وإنتي ممكيجه

إنتي بلا مكياج خلقة تذبحين
والناس من غيرك ياروحي ملجلجه

منتي مثل غيرك لا لا لا تظلمين
الفرق شاسع ماهو بس كم درجه

غيرك تموت ولا تهز الحاضرين
وإنتي بضحكة تخلقين البهرجه

ومكياجهم إنتاج روما وبرلين
ومكياجك إنتي الله اللي أنتجه

سبحانه اللي دلعك يوم تمشين
ماكنك إلا فوق أرض معوجه

وعيونك الخدرات ربي يامعين
ماكنك إلابالحنين مبنجه

ومن كثر منتي للحلاوة تملكين
ومن كثر منتي للصبايا محرجه

الشايب اللي ماتحرك له سنين
إن شاف وجهك قام سوى دحرجه

والقاسي إن شافك يذوب من الحنين
يأخذ عدوه ثاني يوم يحججه

ويصير قلبه بين أصابعك اليمين
وبأطراف فستانك تعلق منهجه

ومن طاح في عينك تلقاه الونين
يدري بدخوله بس يجهل مخرجه

مايدري إنك لا خذيتي تبعدين
وإن رحتي .. رحتي بالقلوب مدججه

وأكبر دليلالعام كانك تذكرين
أخذتي قلبي وإنتي منتي ممكيجه

إنتي بلا مكياج خلقة تذبحين
والناس من غيرك ياروحي ملجلجه