احبك يا الزمان اللي تولـى مـن زمـان وراح
احبك كثر ما بعضـى تـرك بعضـي وخلانـي

احبك واعشق أهاتك واحبك لـو تصيـر جـراح
واحبك ساكن بصدري ويمـلا ضعـف وجدانـي

احبك كان في جوّك حبيبـي والوجـود اتـراح
تخيل كيف لو انـك تصيـح لنصفـك الثانـي؟

احبك يا الزمان ارجـع تعـال وجـدد الافـراح
تعال وهات خـل ٍ لـي رضـي عنّـي وبكانـي

زماني كيف في ظنـك بنايـات الحـزن تنـزاح
وانا احس بصدى صوته يزلزل باقـي أركانـي

احبك يا الزمان ارجع ولبس ذا الزمـان وشـاح
لاني في نظر نفسي أعيـش الحـزن وحدانـي

هنيك يا زمـان ابكـي ولا هالـك فـؤاد سـاح
ادوّر له مـع بعضـي لقيـت المـوج عدانـي

يرفرف في شراييني طرب من صوتـه الصـداح
متى ما اقبلت نادانـي واذا مـا رحـت نادانـي

لأني يـوم حبيتـه خذيتـه عشـق عالمفتـاح
تناثر كـل مافينـي وغـص الدمـع بأعيانـي

بنيت قصور في صدري وأول قصر منها طـاح
وشال اللي بقى منهـا ولا ادري ويـن ودانـي

سرى بي في صدر وقت أحس انه صليل سـلاح
تخصص يلهب احساسـي يقربنـي ويجفانـي

ينثرني على بعضي على الرمضا على الصحصاح
يداوي غيبته عنـي بسـوط المشفـق الحانـي

تصدق من تذكرته وانـا طايـر بـدون جنـاح
كانـي نصفـي الأول وادور نصفـي الثـانـي




أتمنى أن تروق لكم

الحريصي

نحن لا نملك عصى سحريه لنصلح الماضي..
ونرسم المستقبل كما نريد ..
ولكن نسطيع بإيماننا القوي بالله الرضى بما كتب .