لا الرجولة بالعناد ولا هي بقهر الحريم
الحريم, الرجولة, بالعناد, بقهر, لا, هي, ولا
هــذه الأبيات تتكلم عن شيء مهم في الحياة الإجتماعية...
لعنبو رجل ٍ يشـوف المرجلـهْ بقهر الحريـم !!
من متـى كانـت رجولتكـم علـى ظهـر النسـا ؟!
ضلع ٍ أعوج بس مـو دايـم بكسْـره يستقيـم !!
قوّمُـوه فْعُمْـر لينـه .. يستقـيـم الـيـا قـسـى
يا رجال اليـوم رفقـاً بالقواريـر .. و قديـم ..
قالوا: أخيَرْكم .. رحيم الصبـح // مِكـرام المسـا
ما يبات الليل كاسرهـن .. و الـى جَـنْ البهيـم ..
مركـب يدينـه علـى مرسـى مدامعـهـن رســى
بيـض الله وجـه جابـرهـن بعيـشـات النعـيـم
و سـود الله وجـه جابرهـن علـى عيشـة أسـى
ذاكر حقوقـه ليـا قيـل اربـع بشـرع الحكيـم
و إن وصل لين اعدلوا طنش ابو الشرع و نسى !!
كِن سي السيد خلقْـه الله علـى أهلـه زعيـم ..
طاغي معربدْ .. قسم باللـي بْيحاسِبْـه .. ايخسـا !!
لا الرجولـة بالعنـاد و لا هـي بقـهـر الحـريـم
ليمتـى و العنـف صايـر ظاهـره ضـد النسـا ؟!
دمــتم بخير...